ဖြတ်လေးဖြတ်နဲ့ ကမ္ဘာ့ အမျိုးသမီးများနေ့

စာရေးတာကလည်း ခက်သားပါ..။ ကိုယ်ရေးချင်တာတွေကိုပဲ ရေးတဲ့အခါ ရေးသင့်တာတွေကို မေ့သွားတက်ပါတယ်..။ ရေးချင်တာကတမျိုး ဦးစားပေးမိတာက တမျိုးဖြစ်သွား တက်တဲ့ ကျွန်မအကျင့်ဆိုး ကို ဒီနေ့တော့ ဖျောက်ပြီး ရေးသင့်တာကို ရေးပါ့မယ်..။ဒီတခါတော့လည်း မနက်ဖြန်အတွက် မှတ်မှတ်ရရ တခုခုရေးဖို့အားထုတ်ရင်း ခံစားချက်ကို ရေးမယ်လို့ စဉ်းစားပါတယ်..။ မနက်ဖြန်က ကမ္ဘာ့အမျိုးသမီးများနေ့ ..။ ကျင်းပတဲ့နေရာတွေ ရှိသလို .မကျင်းပဖြစ်တာလည်းရှိတယ်… နော်ဝေးမှာတောင် ၃ ရာခိုင်းနှုန်းလောက်ပဲ မှတ်မှတ်ရရ ကျင်းပကြတယ်လို့ သတင်းစာထဲ ဖတ်ရပါတယ်..။ အမှန်ကတော့ နေ့တနေ့ဖြစ်ခဲ့ရမှုမှာ ဘယ်ဟာမှ အလဟာသ ဖြစ်တည်ခဲ့တာမဟုတ်ပါဘူး..။ ဆိုတော့ တိုက်ပွဲဝင်ခဲ့သူတွေ..ဝင်နေဆဲသူတွေ ကို ဂုဏ်ပြုတာမျိုးတွေ ရှိရင်ကောင်းတယ်လို့ မြင်ပါတယ်..။


သူတို့တွေကို ဂုဏ်ပြုတာနဲ့ တပြိုင်နက်တည်းမှာပဲ ..ဒီကနေ့ အမျိုးသမီးများ တွေ အခြေအနေဆိုးအောက်မှာ ရပ်တည်နေရဆဲ အကြောင်းတွေ သိဖို့ လိုပါတယ်..။ ဥပမာ ဇနီးသည်ကို လင်ယောက်ျားက အက်စစ်နဲ့ ပက်တာမျိုး.. အမျိုးသမီးငယ်လေးတွေ ကိုအတင်းအဓမ္မ မုဒိမ်းကျင့်တဲ့ ကိစ္စမျိုး.. အမျိုးသမီးတွေ လုပ်အားခ အမျိုးသားမျိုးလို မရတာမျိုး အစရှိသဖြင့်ပေါ့..။ ကမ္ဘာကြီးဆိုတော့ ဖြစ်နေတဲ့ ပြဿနာတွေက အများကြီး ..အင်မတန်ကျယ်ပြန့်ပါတယ်….တနေရာ ပုံစံတမျိုးစီပေါ့..။ ဆိုတော့ မြန်မာပြည်မှာပဲ နီးနီးကပ်ကပ် ကြည့်ရအောင်ပါ..။ ကျွန်မတို့ တိုင်းပြည်ကြီးထဲ မှာ ရှိနေတဲ့ အမျိုးသမီးအခြေအနေတွေ အတွက် လုပ်စရာတွေ အများကြီးရှိနေတယ်… ။ မဗေဒါ တို့က စီးဒေါ ( အမျိုးသမီးများခွဲခြားဖိနှိပ်မှု ပပျောက်ရေးစာချုပ်) တို့ ကိုယ်တာ (ဦးဆောင်ပါဝင်မှုမှာ အမျိုးသမီးပါဝင်ရမဲ့ ရာခိုင်နှူန်း) ဆိုတာကို နားလည်ပြီး တခြားနိုင်ငံလို ဖြစ်ဖို့ ယှဉ်နိုင်ဖို့ ပြောနေချိန်… ဒီကနေ့ မနက်အထိ …မတည်ငြိမ်တဲ့ နိုင်ငံရေး အခြေအနေအောက်မှာ… အသက်ရှင်နေရတဲ့ အထူးသဖြင့် တိုင်းရင်းသူ တွေအများကြီးပဲ…။ နအဖ စစ်တပ်ဟာ ကရင်..ရှမ်း စတဲ့ နယ်မြေတွေကို စစ်ထိုးနေတယ်… စစ်ထိုးနေတာလည်း ကြာပြီ.. အားလုံးသိတဲ့အတိုင်း.. ကရင်ဘက်မှာဆို ဒီကေဘီအေ က နယ်ခြားစောင့်တပ်ဆိုတာကို လက်မခံကတည်းက..။ ဒီတော့ လူတွေ ခွေးပြေးဝက်ပြေး ပြေးနေရတယ်….။ ကျွန်မက အေးဆေးဆေးဆေးနဲ့ လိုင်းကားလေးစီး…လုပ်ငန်းခွင်ကို ဝင်ဖို့သွားနေချိန်.. ကလေးတွေက အေးအေးလူလူ ကျောင်းကလေးတက်နေချိန်… ဘဏ်ကဒ်ထဲက ငွေကလေးကိုထုတ်… စားဖို့ရာ ဝယ်ပြီး..နေ့တနေ့ကို ဖြတ်ကျော်ဖို့ အားခဲနေချိန်…မြန်မာပြည်ထဲက အမျိုးသမီးပေါင်းများစွာ ကလေးပေါင်းများစွာဟာ ရတဲ့ အထုပ်ကလေးတွေ စွဲပြီး အသက်ရှင်ဖို့ ပြေးလွားနေကြရတုန်းပဲ..။

ဒီပြေးလွားနေရတာမျိုးဟာ အခုမှ မဟုတ်တော့ဖူး.. နှစ်ပေါင်းများစွာ ကြာခဲ့ပြီ ..သိသလောက် မှတ်မိသလောက်တော့ ဦးနေဝင်းတက်လာကတည်းက ချမှတ်ခဲ့တဲ့ ```` ဖြတ်လေးဖြတ်…( အစားအစာ.. ငွေကြေးထောက်ပံ့မှု.. သတင်းအချက်အလက်..နဲ့ လူသစ်စုဆောင်းမှု ) ```` တနည်းအားဖြင့်လည်း ````တံမြက်လှဲ အမြစ်ဖြုတ်သုတ်သင်ရေး```` ပါ..။ ဒါနဲ့ ပတ်သက်တဲ့ ဇာတ်လမ်းတွေ… ရေးမယ်ဆိုရင် .. အာဖဂန် နိုင်ငံကထက် ရင်နာစရာ ကောင်းတဲ့ ဇာတ်လမ်းတွေ အများကြီးပါပဲ…။ ဒီအချိန်မှာ အမျိုးသမီးအခွင့်အရေးတို့ ..အကြမ်းဖက်မှုတွေ ပပျောက်အောင်လှုပ်ရှားမှုတို့ ဆိုတာ အဝေးကြီး အဝေးကြီး ဖြစ်နေအုံးမှာ အသေချာပဲ..။ သူတို့ ဘဝတွေ လုံခြုံဖို့… အသက်ရှင်ဖို့… ကလေးတွေ အသက်ရှင်ဖို့… သူတို့လေးတွေ ရင်ခွင်ထဲကနေ မပျောက်သွားဖို့… စွဲလွဲပြီး ပြေးနေကြရတယ်..။ အဲဒီနေ့တွေ ထမင်းဆိုတာ မြင်ချင်မှ မြင်မယ်.. ရေအေး( သန့်) တခွက် ရချင်မှရလိမ်မယ်..။ ကျည်ဆံမမှန်ဖို့.. လက်နက်ကြီး လာမမှန်ဖို့… ကလေးတွေ ..နက်ရိူင်းတဲ့ ချောက်ကြီးထဲ မကျသွားဖို့… မိုင်းမနင်းမိဖို့… ဆူးချွန်တွေ…မနင်းမိဖို့.. ပိုးထိတာမခံရဖို့…စတဲ့ ( ဖို့) ပေါင်းများစွာနဲ့ အသက်ရှင်ဖို့ အလုအယက် ပြေးနေကြရတယ်..။ ကျွန်မတို့က အမျိုးသမီးများနေ့ ဆိုပြီး ပွဲတွေကို ဆိုင်ရာနေရာတွေမှာ ကျင်းပနေချိန် မြန်မာပြည်သား အမျိုးသမီးတွေ ဒုက္ခတွေ တပွေ့တပိုက်နဲ့ မျက်စိ နှစ်လုံး..နားနှစ်ဖက် အနားမပေးရရှာပဲ.. ကလေးငယ်တွေကို ပွေ့ပိုက်ပိုးဖက်ပြီး ပြေးလွားနေရတုန်းမို့ .. ကျွန်မတို့တွေ … ပြောချင်တဲ့ အကြောင်းအရာတွေ… ဖြစ်စေချင်တဲ့ အခြေအနေတွေ ဟာ ဟိုးအဝေးကြီး ဖြစ်နေအုံးမှာ ဆိုတာ အသေအချာပါပဲ....။



တကယ်လို့ စာနာသနားတက်မယ် ကိုယ်ချင်းစာတက်မယ်ဆိုရင်… မြန်မာ စစ်ဗိုလ်ချုပ် သားသမီးတွေ နေသလို မဟုတ်တောင် မျက်စိနှစ်လုံး ပွင့်လာတာနဲ့ မိဘ နှစ်ပါးက သက်ဆိုင်ရာ လုပ်ငန်းခွင်ကိုဝင်.. သားသမီးတွေက ဘဝအတွက် ပြင်ဆင်ဖို့ရာ ကျောင်းခန်းထဲ သွား ရမဲ့ အခြေအနေတခု ကို အစိုးရကောင်းတရပ်က ဖန်တီးပေးသင့်နေပါပြီ..။ ကိုယ်နဲ့ အတွေးအခေါ် အယူအဆချင်းမတူသူတွေနဲ့ တိုက်တဲ့စစ်ပွဲတွေမှာ ဘာအပြစ်မှ မရှိတဲ့ ပြည်သူပြည်သားတွေကို ဓါးစားခံလုပ်ပြီး… ````ဖြတ်လေးဖြတ်```` ကို အတင်းအဓမ္မ ဆက်လုပ်နေကြမယ် ဆိုရင်ဖြင့် မြန်မာ အမျိုးသမီးတွေ ဘဝမှာ တန်းတူ ညီမျှမှုတို့ အခွင့်အရေးတို့ အခွင့်အလမ်းတို့ ဆိုတာ အိမ်မက်လို ပဲ ဖြစ်နေအုံးမယ်ဆိုတာကို ခံစားတင်ပြ ပါတယ်..။

အမျိုးသမီးများ..ကလေးငယ်များ စစ်ပွဲများကြောင့်ပြေးလွားရခြင်း ဒုက္ခမှ အမြန်ဆုံးလွတ်ကင်းပါစေ..။ ဖြတ်လေးဖြတ် စီစဉ်သူတို့ အမြန်ကျဆုံးပါစေ…။

( ဓါတ်ပုံများကို အေပီ သတင်းဌာန နှင့်.. အင်တာနက် သတင်းများမှ ကူးယူဖော်ပြပါသည်..။ ကျေးဇူးတင်ပါသည်..။ )

မဗေဒါ
၀၇.၀၃.၂၀၁၁