ပုံမှန်ဆက်ဆံကြည့်ပါ..

လွန်ခဲ့တဲ့ ၁၂ နှစ်လောက်က အင်္ဂလိပ်စာစကားပြော သင်တန်းတခုမှာပါ..။ ကျွန်မတို့ဆွေးနွေးရတဲ့ ခေါင်းစဉ်က `` မိန်းမလျာတွေအပေါ် ပတ်ဝန်းကျင်ရဲ့ လက်ခံမှု..ဆက်ဆံမှု ..သဘောထား`` ပါ။..။ ထုံးစံအတိုင်း ကျွန်မ ကတော့ ကိုယ့်အမြင်ကိုဆွေးနွေးပါတယ်။ အဆိုတင်သွင်းမှုကတော့ သူတို့တွေကိုလည်း အခြားသူများလို ကောင်းကောင်းမွန်မွန် ဆက်ဆံသင့်တယ် လို့ အတိုချုပ်ပြောရင်ရနိုင်ပါတယ်။ ဘာဖြစ်လို့လည်းဆိုတော့ သူတို့ လည်း လူထဲကလူသားများမို့ပါပဲ..။ကျွန်မတို့ နားမလည်နိုင်တဲ့ ဖြစ်(တည်)လာတဲ့ အခြေအနေအရ ယောက်ျား ကိုယ်ခန္ဓာနဲ့ မိန်းမစိတ်ဖြစ်နေကြရခြင်း မိန်းမကိုယ်နဲ့ ယောက်ျားစိတ်ဖြစ်ရခြင်းတို့ကို နားလည်ပေးဖို့ပါပဲ။ အများစုကတော့ သဘောမတူပါဘူး။ တပ်ရင်းတခုထဲက ယောက်ျားတယောက်က ဒီလိုသုံးသပ်ပါတယ်။
``သူတို့က လူ့ပတ်ဝန်းကျင်ကို အရမ်းဒုက္ခပေးပါတယ်``တဲ့။ ကျွန်မနဲ့ ဆရာမ တို့က``နိုး`` ဆိုတဲ့ တုန့်ပြန်မှု အလျှင်အမြန်ပေးခဲ့ဖူးပါတယ်..။ နိဂုံးချုပ်ပြောရရင် ညီမတယောက် ယောကျာ်းလျာ ဖြစ်နေ တဲ့ အင်္ဂလိပ်ဆရာမနဲ့ တက်သလောက် သိသလောက် သင်တန်းသားများဆွေးနွေးရင်း အကြောင်းအရာ အဆုံးသတ်ခဲ့ပါတယ်။ အဖြေတော့မရခဲ့ပါဘူး။ ဒါပေမယ့် စဉ်းစားစရာတွေတော့ လူတိုင်းရင်ထဲ ရှိခဲ့ကြမှာဧကန်ပါ..။ လူအများစုကတော့ မိန်းမလျာ ယောကျာ်းလျာများကို ပုံမုန်မဟုတ်ကြဘူး. ဒါကြောင့် သူတို့ကို တခြားပုံမုန်တယောက်ကို ဆက်ဆံ သလို အလေးမထားသင့်ဘူး..သူတို့ဟာနှိမ့်ကြသူများ အပျက်လုပ်သူများ အပိုလုပ်တက်သူများအဖြစ် ရူမြင်ကြ ပါတယ်။ ဒါကတော့ ဒီကနေ့ ခေတ်ရှေ့ပြေးနေပါတယ် ဆိုတဲ့ အမေရိကန်မှသည် ကျွန်မတို့အာရှအထိ အမြင်တွေများစွာဟာ မတူညီကြပါဘူး။ အနောက်ဘက်မှာ ကတော့လည်း တဖြေးဖြေးပြောင်းလဲရင်း အမေရိ ကားမှာ တချို့ပြည်နယ်တွေ လိင်တူခြင်းတောင် လက်ထပ်ခွင့်တွေရရှိနေကြပါပြီ။ အဲသလိုပဲ တချို့ နိုင်ငံများကြတော့လည်း ယောက်ျားလေးဖြစ်ပြီး သူပါဝင်ရမဲ့ ဟိုမုန်းဓါတ်တွေနည်းပါးလို့ ယောက်ျား ပိုပီသအောင်ဆိုကာ မိန်းမစိတ်ပိုသူများကို တခြားလိုအပ်တဲ့ဓါတ်တွေ ထိုးသွင်းနေကြပြန်ပါတယ်..။ မြန်မာ ပြည်ထဲကြတော့လည်း ပေါ်ပေါ်ထင်ထင် ရူတ်ချတာ..နှိမ်တာတွေက အခုထိဖြစ်နေဆဲပါ.။ အတွေ့ အကြုံလေးတခု ပါ..ထူးခြားပါတယ်.။

ကျွန်မတက်ခဲ့တဲ့ မြောက်ဥက္ကလာပ အထက (၃) လမ်းမကြီး (လမ်းအမည်မမှတ်မိ တော့လို့) ပေါ်မှာ စာအုပ်ဆိုင်လေး တဆိုင်ရှိပါတယ်။ အမျိုးသမီး၂ ယောက် ပိုင်တာပါ။ ဆရာမလုပ်သူက ယောကျာ်းလျာဖြစ်ပြီး မိန်းမဖြစ်သူကတော့ ဆိုင်ထိုင်ပါတယ်။ နှစ်ယောက်စလုံး အင်မတန်မှ ရုပ်ရည်ချောမောလှပပါတယ်။ စကားပြောလည်း အေးအေးဆေးဆေးနဲ့ သူတို့ကြည့်ရတာလည်း ပုံမှန်လိုပါပဲ။ ကျွန်မ အဲဒီဆိုင်မှာ စာအုပ်ဌားဖူးပါတယ်။ ဒါကြောင့် သူတို့ဆက်ဆံရေးကို ကြည့်ရတာလည်း တခြားလူတွေလိုပါပဲ ဘာမှမခြားနားပါဘူး..သူတို့လူ့အသိုင်းအဝန်းထဲ ပါဝင်နေတဲ့ အပေါ်မှာလည်း ဘာမှ သရိုးသရီ မဖြစ်မိပါဘူး..အိုကေတယ်ပေါ့။ အဲဒီဝန်းကျင်က လူအတော်များများကလည်း သူတို့အပေါ် ဝေဖန်တာ အပြစ်ပြောတာမျိုးတွေ မတွေ့မကြားဖူးပါဘူး။ အိုကေ၏ပေါ့။ ဆိုတော့ လက်ခံတဲ့ နေရာတွေမှာ တရားဝင်မဟုတ်တာတောင် ``သူ့တို့ဘာသာနေပါစေ``ဆိုပြီး မြန်မာ့အသိုင်းအဝန်းက ခွင့်လွတ်တယ်လို့ နားလည်တက်တယ်လို့လည်း မြင်မိပါတယ်..။ ဒါပေမယ့် နေရတိုင်းတော့ ဖြစ်ချင်မှဖြစ်ပါလိမ်မယ်..။ ဒီလိုပါပဲ ``တကယ့်လျာ``မဟုတ်ပဲနဲ့ အသက်ရှင်ရပ်တည်ဖို့ လုပ်ရတဲ့ ယောက်ျား စစ်မကြီးတွေလည်း ဆုံဖူးပါတယ်။ ရယ်စရာလုပ်ပြတက်တယ် . တက်တဲ့ပညာလေးနဲ့ ဖျော်ဖြေပြကြတယ် ဒါကြောင့် သူတို့ကိုလည်း မျက်စိထဲ ပြဿနာမရှိဘူးလို့ မြင်တာပါပဲ။ ဒါပေမယ့် လူအများစုကြီးကတော့ သူတို့အပေါ်အမြင်တွေကို ဘယ်လိုမှ ပြောင်းလို့မရတာတော့ အမှန်ပါပဲ။ ကျွန်မစဉ်းစားမိတာက ဘာဖြစ်လို့ လူအများစုက`` ပြဿနာရှာသူ`` တွေလို့ မိန်းမလျာများအပေါ် မြင်ကြရတာလည်းလို့ သတ္တုချကြည့်လိုက်ရင် ..။ ဖြစ်နိုင်တာတွေက နံပါတ် ၁.. ယောကျာ်း (မိန်းမ)ဖြစ်နေပြီး မိန်းမ (ယောကျာ်း) လို ပြုမူနေထိုင် ..ဝတ်စားတာ မကြိုက်ဘူး (လက်မခံချင်ဘူး)..။ နံပါတ် ၂.. နဲနဲပြောရင် တကယ့်မိန်းမ (ယောက်ျား) တွေထက် များများခံစားပြတက်ကြတာ..နံပါတ် ၃.. နေရာတကာ စပ်စပ်စုစု နိုင်ပြီး ပိုလူရာဝင်ချင်တာတွေကြောင့်လို့ ထင်ပါတယ်.. ။

ကျွန်မအမြင်ကိုပြောရရင် သူတို့တွေဟာ လူ့အဖွဲ့အစည်းထဲမှာ ငယ်စဉ်ကတည်းက ပုံမုန်မဟုတ်ဘူးလို့ သတ်မှတ်ခံထားရတာကြောင့် ပိုအနှိမ်ခံရပါတယ်။ ဒီအခါမှာ သူတို့ဟာ သူများထက် ထူးခြားပါတယ်။ သူတို့နဲ့ ဆက်ဆံရင် နစ်နာစေတဲ့ စကားလုံးမျိုးတွေနဲ့ ပြောတာ.. ခိုင်းနှိုင်းတာမျိုး.. တွေ ပိုများပါတယ်။ တခါ အရိုင်းအစိုင်းစကားလုံးနဲ့ ပြောရရင် သူတို့ကို ``ခြောက်`` ``ဟိုမရောက် ဒီမရောက်`` နေတဲ့ သူတွေဆိုပြီး ပိုပြီးတော့ လက်တည့် စမ်းချင်သူ စော်ကားချင်တဲ့ သူတွေလည်း ရှိတက်ကြပါတယ်။ ဒီအခါမှာ သူတို့ကလည်း သူတို့နိုင်တဲ့အစွမ်းနဲ့ ညစ်ညစ်ပတ်ပတ်တွေ..အရိုင်းတကာ အရိုင်းဆုံးစကားလုံးတွေ …အရွဲ့အစောင်းနည်း လမ်းတွေနဲ့ လောကကြီးကို စိန်ခေါ်ကြရတာပေ့ါ။ ဒါကြောင့် မိန်းမအစစ် ယောက်ျားအစစ် တွေထက် ပိုကြမ်းကြတယ်။ ပိုလူစွမ်းကောင်း ပိုထင်ပေါ်မှုတွေ ဖြစ်သွားကြတယ်လို့ ထင်တာပါပဲ။ အမှန်က သူတို့ကို ဘာပြဿနာမှ မရှာပဲ ``သူတို့ဘာသာဖြစ်တည်ခြင်း `` ကို နားလည် အသိအမှတ်ပြုပြီး သာမာန်လိုပဲ ဆက်ဆံမယ် ဆိုရင် တုန့်ပြန်မှုကလည်း ပြင်းထန်မှာမဟုတ်ဘူးလို့ ထင်ပါတယ်။ ကျွန်မဒီစာကိုရေးတာ အကြောင်းရှိလို့ပါ..

ဆရာမနုနုရည် (အင်းဝ) ရဲ့ `` ပြုံး၍လည်း ကန်တော့ခံမူပါ..ရယ်၍လည်း ကန်တော့ခံမူပါ`` ကို မိတ်ဆက်ချင်လို့ပါ။ ဒီလောက်ထိ ခရေစေ့တွင်းကျ လေ့လာပြီး ရေးသားထားလိမ့်မယ်လို့ မထင်မိခဲ့ပါဘူး။ မအားတာရယ်ကြောင့် လက်ဆောင်ရခဲ့တဲ့ ဒီစာအုပ်လေးကို မဖတ်ဖြစ်ခဲ့ဘူး။ စာဖတ်ရင် အင်မတန်ကြာတက်တဲ့ ကျွန်မ ဒီတခါတော့ ၂ ရက်နဲ့ အပြီးဖတ်နိုင်ခဲ့ပါတယ်။ ဖတ်ပြီးတော့လည်း အင်မတန် စိတ်မကောင်း ဖြစ်ရပါတယ်။ မိန်းမလျာဖြစ်တဲ့ ဇာတ်လိုက် ``ဒေစီဂျိန်း`` အတွက်ရော သူ့အချစ်တော် ကောင်လေး ``မင်းမင်း``အတွက်ရောပါ။ ဇာတ်ရှိန်အမြင့်ဆုံးအပိုင်းကတော့ ထုံးစံအတိုင်း ဇာတ်သိမ်းပိုင်းပါ။ အမြည်းစမ်းကြည့်သွားပါအုံး..

`` ဟဲ့ ထွက်ခဲ့ဆိုတာ မထွက်သေးဘူးလား.. အဆင့်မရှိတဲ့မိန်းမနဲ့ နေတော့မယ်ဆိုလည်း ငါဆင်ထားတဲ့ ပစ္စည်းတွေ ချွတ်.. အကုန်ချွတ် ပေးလှည့် မင်းမောင် ``

`` ခင်ဗျားပါးစပ်ကို ပိတ်ထားစမ်း`` ရုတ်တရက် လက်ကိုဆောင့်ဆွဲတာာ ဒေစီဂျိန်းခံလိုက်ရတယ်။ဇောနဲ့ မျက်စိက မှုန်မှုန်နဲ့ မင်းမင်း အနားရောက်လာတာကို မမြင်ဘူး.. `` ခင်ဗျားပါးစပ်မပိတ်ရင် ကျုပ် ထိုးမှာနော်``

``ဟင်..နင်ကလား ငါ့ကိုထိကြည့်စမ်း.. ငါ့ပါးစပ် ငါပိတ်ချင်မှ ပိတ်မယ်.. ကဲ အော်တယ်ဟေ့ အော်တယ်.. ဟောဒီမှာ အရပ်ကတို့ ``

မင်းမင်းက ဒေစီဂျိန်းပါးစပ်ကို ပိတ်ပစ်လိုက်တယ်.. ပြီးတော့ လက်တွေကို ချုပ်ပြီး အတင်းဆွဲထုတ်လာတော့ တရွတ်တိုက်ပါလာတယ်။ တအားမောနေတဲ့ ဒေစီဂျိန်းရဲ့ အသက်ရူသံပြင်းပြင်းနဲ့အတူ ဇရပ်ပေါ်က နာကျင်နေတဲ့ ရိူက်သံလေးက မင်းမင်းနောက်ကို လိုက်လာတယ်။ အရှက်တွေ ဒေါသတွေ နာကျင်တာတွေနဲ့ သတိလက်လွတ် ဖြစ်နေတဲ့ မင်းမင်းလက်တွေက မိန်းမလျာမကြီးကို ဘယ်လောက်များမညှာမတာ ဆွဲခဲ့မိတယ် မသိဘူး။ အိမ်ပေါ်ကို ရောက်တော့ ခြောက်ဆယ်တွင်း မိန်းမလျာမကြီး ပုံလဲသွားခဲ့တယ်။

ကဲဒီလောက်ပါပဲ..စိတ်ဝင်စားသူများ မှာဖတ်နိုင်ပါတယ်။ လူတွေဖြစ်တက်တဲ့ ခံစားမှုကို ဘက် နှစ်ဘက်ကနေ တင်ပြထားတယ်လို့မြင်ပါတယ်။ ဖတ်ပြီးတော့ နှစ်ယောက်စလုံးအတွက် စိတ်မကောင်းဖြစ်မိပါတယ်။ တကယ်တော့ မိန်းမလျာပဲ ယောက်ျားလျာမှ မဟုတ်ပါဘူး. လူ့အသိုင်းအဝန်းထဲမှာ ပြဿနာလုပ်တက်သူဟာ ဘယ်သူမဆိုဖြစ်နိုင်ပါတယ်။ ဘယ်သူမှ ဘယ်ဝါမှဆိုတဲ့ တယူသန်ယူဆချက်တွေကို စွန့်လွတ်သင့်ကြတယ်လို့ မြင်မိပါတယ်..။ ဒါကြောင့် ``ယောက်ျားလျာ`` ``မိန်းမလျာ`` များကို ပုံမှန်ဆက်ဆံတက်သူများ ဖြစ်နိုင်ကြပါစေလို့ အားပေးရင်း .. နားပါဦးမည်။

မဗေဒါ (၈၈)
၁၀.၀၆.၂၀၁၁