ကျွန်မ လေးစားရတဲ့ ဦးနုအတွက်တုံ့ပြန်ချက်

ကိုမန်းရေ.. ပို့စ် ကိုသေချာလေးဖတ်သွားတယ်..။ ကိုရော်နယ်ညိမ်း..တုန့်ပြန်ထားရေးထားတဲ့ ` ဦးနုအစိုးရ
ကိုနိုင်ငံတကာ က ထောက်ခံပြီး အသိအမှတ်ပြုခဲ့ကြရင်၊ အဲဒီမှာ ပွဲပြီးသွားပြီ...` ဆိုတာဟာ သုံးသပ်ချက် တခုသာဖြစ်ပါတယ်..။ ကိုလွဏ်းဆွေ မှန်းသလို ၁ နဲ့ ၁ ပေါင်း နှစ် (၂) ရတယ်လို့ သချာင်္လို အတိ အကျ ဟောကိန်းထုတ်မရခဲ့ဘူး ဆိုတာသိကြမှာပါ..။ အခုက အဲဒီအကြောင်းကို အခြေခံလို့ တုန့်ပြန်ထားတဲ့ အကြောင်းကို နဲနဲ ရေးချင်ပါတယ်.. အဓိကက ဦးနေဝင်းနဲ့ ဦးနုကို နှိုင်းယှဉ်ပြီး ပြောရာမှာ ဦးနုဟာ လုံးလုံးငပေါကြီးဖြစ်အောင် အနောက်အမြင်ဆိုတာထက် ကိုညိမ်း အမြင်နဲ့ ငပေါ လုပ်ချင်တာက ကဲသလားလို့ စဉ်းစားမိနေလို့..။ ရှင်းရှင်းပြောရရင်…ရေးထားတဲ့ လေသံကို မကြိုက်လို့..။

စာရေးဆရာ ဦးချစ်လှိုင် ပြောတာကတော့ သူ (ဦးနေဝင်း) သေခါနီး တရား ရသွားတယ်ဆို တာဟာ ... သူလုပ်ခဲ့တာတွေ မှားတယ်လို့ ဝန်ခံခြင်းလည်း တမျိုးပဲ..။ သူလုပ်ခဲ့သမျှတွေမှာ မတရားတာတွေ အများကြီး ဆိုတာ နိုင်ငံရေးလောကမှာ မထင်မရှား (ထင်ရှား ) ခဲ့တဲ့ သူတွေ သမိုင်းကို ပြောနေကြတာတွေ ရှိ ပါတယ်…။ ...အကြောင်းအရာ တခုကို သုံးသပ်ရာမှာ ကွဲပြားတာတွေ ရှိသလို တူညီတာတွေလည်း ရှိမှာပါ..။ မတူညီတဲ့ အမြင်တခုထဲမှာမှ သူ အာဏာရှင် ဖြစ်ခဲ့တဲ့အချိန်မှာ နိုင်ငံရေးဘဝတွေ အများကြီး အများကြီး သေဆုံးခဲ့ရတာ အမှန်ပါပဲ..။ အခုထိ အကျိုးဆက်များ ရှိဆဲ..။

ကိုညိမ်း သုံးသပ်ခဲ့သလို ဦးနေဝင်းဟာ အနောက်ကို စိတ်ကောက်နေတယ် ဖြစ်နိုင်ချေ ရှိမရှိ စဉ်းစားသင့်တယ်... ဦးနေဝင်းက ဘာကို စိတ်ကောက်ပြီး ဘာကို တင်းခံနေရတာလဲ...အမေရိကန်ကရော ဘာလို့ ချော့ရတာလည်း... ။ ကွန်မြူနစ်စနစ်ကို ကြောက်ခဲ့တဲ့ အမေရိကန် ဆရာကြီး ( ဆရာကြီးလို့ ပြောတာ အကြောင်းရှိတယ်..ယနေ့အထိ သူတို့ရဲ့ လုပ်ခဲ့တာတွေ လုပ်နေတာတွေ ကမ္ဘာကို ကိုင်လှုပ်ဆဲ.. မို့) များက အဲဒီ ဒုတိယကမ္ဘာစစ် နောက်ပိုင်းကတည်းက နှိမ်နှင်းရ… ထောက်ပံ့ရနဲ့ ကွန်မြူနစ်တွေကိုကြောက်လို့ ကုန်ပြောင်ခဲ့ရတဲ့ ဒေါ်လာတွေ မနည်းမနော..။ မဗေဒါတို့နေတဲ့ နော်ဝေးကိုတောင် မီလျှံနဲ့ ချီပေးခဲ့ရတာ..။ ဦးနေဝင်းအကြောင်း ဆက်ရရင် သူ အာဏာရှင် ( တိုင်းပြည်အတွက် သူရဲကောင်း ) ဟုတ်မဟုတ် ဆိုတာ ကျွန်မတို့ မြန်မာပြည်သားများက ပေးရမဲ့ အမှတ်များလို့ပဲ ယူဆတယ်... အနောက်က ထောက်ခံသည်ဖြစ်စေ မထောက်ခံသည်ဖြစ်စေပေါ့ .. ( ကွန်မြူနစ်ကို တိုက်တိုင်းလည်း အနောက်က ထောက်ခံခဲ့တာ ဟုတ်မဟုတ် သေချာလည်း မသိနိုင်ဘူး.. )။ သေချာတာ တခုကတော့ အနောက်ပဲဖြစ်ဖြစ် လူတယောက်ပဲဖြစ်ဖြစ် ကိုယ်ကျိုးအတွက် မရှိ (ပါ)ရင် ဘာကိုမှ လိုလိုလားလား မလုပ်ချင်ကြလို့ ကွန်မြူနစ် စနစ်ကြီး ... ကျဆုံးခဲ့ရတာ သက်သေရှိတယ်မလား..(ကွန်မြူနစ် စနစ်ရဲ့ အားနည်းချက်ကို တင်ပြခြင်းသာ)..။ ဆိုလိုချင်တာက.. လူတယောက်ခြင်းရဲ့ မတူညီမှု (လိုအင်) ကို မသိတဲ့ စနစ်ဖြစ်တာရယ် ကိုယ်ကျိုး (အတ္တ) ဆိုတဲ့ သက်ရှိများရဲ့ မတူတဲ့ လိုအင်များကို ထည့်တွက်တာ အားနည်းခဲ့တာရယ်လို့ပဲ နားလည်ပါတယ်..။ အနောက်က ဦးနေဝင်းကို အသိအမှတ်ပြုခဲ့တယ်..ချော့ခဲ့ရတယ် ဆိုရင်လည်း …. အာဏာရှင်ဟာ အာဏာရှင် ပဲ ဖြစ်တယ် ဆိုတာနဲ့ ဦးနေဝင်း ကို ချော့ခဲ့ရတာ ဆိုတာဟာလည်း သူတို့အကျိုးထက် ( အမေရိကန်သည် သူတို့အတွက် ကောင်းမွန်တဲ့ ဘဝများတည်ဆောက်ပေးမယ်လို့ ကတိကဝတ်ပြုတဲ့ အခြားသော ပြည်ချစ်သားကြီးထက် ) ဘာမှမပိုတဲ့ သာမာန်လူစိတ်များရှိနေခဲ့ တာ ယနေ့အထိပါပဲ… .။)

အခုဖြစ်နေတဲ့ အိုစမာ ကိစ္စလိုပဲ အမေရိကားကတမျိုး ... ပါကစ္စတန်က တမျိုးစီ စစ်ဆင်ရေး ပူးပေါင်းပါဝင်မှု ကိစ္စမှာ ဘက်တဖက်စီက ငြင်းခုံ ပြောနေကြပါလိမ့်မယ်... ကျွန်တော်တို့လို ကမ္ဘာ့သတင်းဌာနကြီးတွေကို အားကိုး နားထောင်ရတဲ့ သူတွေမှာလည်း နားလည်ရခက်ပါတယ်... မသိခဲ့တာတွေအများကြီး ရှိနိုင်ပါတယ်...( ထဲထဲဝင်ဝင် ကိစ္စများ.ကိုဆိုလိုခြင်း)..။ အဲလိုပဲ မြန်မာ့အရေးမှာလည်း ဦးနေဝင်းအစိုးရရဲ့ လူရာဝင်ခဲ့မှု..တရားမျှတမှုတွေ ... ဘယ်အတိုင်းအတာထိ ရှိခဲ့တယ်ဆိုတာ ကျွန်မတို့ သိသင့်တဲ့ အသေးစိတ်တွေ အများကြီး ရှိနေအုံးမှာပါ....။ တပြိုင်နက်တည်းမှာပဲ အာဏာ ရေရှည် မရ (ယူ)ခဲ့တဲ့ ဝန်ချုပ်ဟောင်း ဦးနု အကြောင်းကိုလည်း သိသင့်ပါတယ်..။

ဦးနုအကြောင်းကို ဦးတင်မောင်ဝင်း ရေးတာကို ရော ဒီငြိမ်းပါတီက ပြောတာကို နားထောင်ဖူးသလောက် သူ့မှာ တိုင်းပြည်အတွက် စေတနာ အများကြီးရှိတယ်... သူ့မှာ နုလုံးသားက ဦးနှောက်ထက်တောင်ပိုကြီးတယ်လို့ ဖတ်ဖူးပါတယ်...(ဒါကြောင့်ပဲ ၈၈ မှာခံစားချက်ကိုရှေ့တန်းတင်ပြီး သူမလုပ်ချင်တဲ့နိုင်ငံရေးလမ်းကို ပြန်လှမ်းခဲ့တာလို့ တွေးမိတာမျိုးတောင် ရှိဖူးပါတယ်..။) သူ့ရဲ့ အတွေးခေါ်များဟာ နိုင်ငံရေးမှာ အသုံးဝင်ချင်မှ ဝင်ပေမဲ့ သူကိုင်စွဲခဲ့တဲ့ ဗြဟ္မစိုတရားများဟာ အနောက်က ပြောနေတဲ့ လူ့အခွင့်အရေး ဆိုတာနဲ့ မကွာခဲ့ဘူးလို့ နားလည်ပါတယ်... ဒါကြောင့် တိုင်းပြည်ကို ချစ်ခဲ့ပေမဲ့ နိုင်ငံရေးနဲ့ ဘာသာရေး (ပြဒါးတလမ်း သံတလမ်း) ရောယှက်ပြီး လုပ်ချင်ခဲ့တဲ့ ဦးနုဟာ မအောင်မြင်ခဲ့ဖူးလို့ ပဲ နားလည်ထားပါတယ်..( ဥပမာ… ဆိုဗီယက် သွားတုန်းက မပြောသင့် မမေးသင့်မှန်း သိပေမဲ့ ဂျူးကိစ္စတွေအတွက် အစ္စရေးဝန်ချုပ်… ဘူလ်ဂယ်နင်ပြောတဲ့အတိုင်း နေရပ်ကို ပြန်စေဖို့ ပြောခဲ့တာမျိုး..။ မျက်နှာပျက်ရပါစေ…လူသားချင်း စာနာတက်တဲ့စိတ်ထား.. သူတော်ကောင်းတရား… ရှိခဲ့တာမျိုး..) ။ နောက်တခုက ၈၈ ကုန်ခါနီး ဖြစ်နေတဲ့ အခြေအနေမျိုးမှာ ဦးနုလို နူးညံ့ပျော့ပြောင်းတဲ့ ဘာသာရေး အတွေးအခေါ် ( ချက်ချင်းလက်ငင်းမှာ ( အကျိုးဆက်ကို မြင်ဖို့)အောင်မြင်ဖို့ရာ ခက်ခဲတဲ့ ကျင့်စဉ်..အတွေးအခေါ် များ) ဖုံးလွမ်းနေသူကို ရဲရဲတောက်နေတဲ့  ဘယ်လိုလူမျိုးကမှ ထောက်ခံချင်မှာ မဟုတ်ဘူး... ဒါ စဉ်းစားတက်သူတိုင်း သိတယ်လို့ ထင်ပါတယ်..။ ( အဲဒီအချိန်မှာ အခြေအနေတွေ အများကြီးပေါ် မူတည်ပြီး... ဒေါ်စုဟာ လူထုရှေ့ရောက်ခဲ့တာဖြစ်ပါတယ်..။ သူ့မှာမြန်မာပြည်နဲ့ ပတ်သက်တဲ့ အတွေ့အကြုံ ထဲထဲဝင်ဝင် လက်တွေ့မရှိခဲ့ဘူးဆိုတာ နိုင်ငံရေးလုပ်သူတိုင်း သိခဲ့တာမှန်ပေမဲ့ …ကိုယ်ကျိုးမဖက်တဲ့ တိုင်းပြည် ချစ်စိတ် ရှိခဲ့ (နေ) တယ်ဆိုတာ အားလုံးအသိ…။ … ဒါက ဒေါ်စုကို အတွေ့အကြုံမရှိဖူးဆိုတဲ့ အပြုသဘောနဲတဲ့သဘောထားအပေါ် ပြန်တုန့်ပြန်ခြင်း..။ )

နိုင်ငံရေး အခြေအနေတခုလုံးကို ခြုံငုံသုံးသပ်ရမှာ တူချင်မှ တူကြပေမဲ့... မြန်မာ့အရေးမှာတော့ ဦးနေဝင်း လုပ်ခဲ့သမျှထဲ ရူးအောင်ခံခဲ့ရသူတွေ.... အကျဉ်းတိုက်ထဲမှာ ဒုက္ခများစွာ ကြုံခဲ့ရပြီး ပျောက်သွားတာတွေ ... မထောက်ခံလို့ ရာထူးမတက်ပဲ...အလုပ် ပြုတ်သွားတာတွေ ... လူစုလူဝေးနဲ့ တိုင်းပြည်ပျောက်ခဲ့ရသူတွေ အများကြီး အများကြီးရဲ့ တရားခံဟာ အာဏာရှင် သူ့ကြောင့် မဟုတ်ရင် ဘယ်သူ့ကြောင့် ဖြစ်နိုင်ပါ့မလဲ ..။ မဗေဒါ ဒါကို ဘာကြောင့်ထပ်ပြောသလဲ ဆိုတော့ ကိုညိမ်းဆိုလိုချက်မှာ အနောက်က သူရဲ့ အကျိုးစီးပွားကလွဲရင် ဆိုတာထက် ဦးနေဝင်းက သိပ်သတ္တိရှိခဲ့ မှန်နေခဲ့ပြီး အနောက်ရဲ့ သဘောလုပ်နည်းလုပ်ဟန် တွေထက် ( ဦးနေဝင်းအပေါ် အသိအမှတ်ပြုမှုဟာ) အရေးကြီးတယ်..လို့ ခံစားရတာကြောင့် ရေးတာဖြစ်ပါတယ်…။

` ဦးနုက လူပေါ..` လို့ ပြောတဲ့ အနောက်နိုင်ငံများရဲ့ အမြင်အယူဆများဟာ ထုတ်ပြောခဲ့သည်ဖြစ်စေ ထုတ်ပြခဲ့သည်ဖြစ်စေ ကျွန်မတို့က အဲလို ယူဆလို့မရဘူး... ဦးနုကို လူပေါလို့ ပြောရင် ဦးနေဝင်းက ဘယ်လိုလူစားဖြစ်ခဲ့လဲ..။ ဦးနုကို လူထု ထောက်ခံခြင်းကသာ အရေးကြီးခဲ့တယ် ဆိုတာ မှန်တယ်.. နိုင်ငံခြားက ထောက်ခံလို့ အစိုး၇မှ မဖြစ်တာ... ဖြစ်ချင်ရင် ပြည်သူပြည်သားများက ထောက်ခံမှ ဆိုတာ လူတိုင်းသိပြီးသား..။ နိုင်ငံခြား အစိုးရများဆိုတာက ထုံးစံအတိုင်း ကိုယ့်အရေး ( ကိုယ့်အရေး…ဆိုတာ သူ့အတွက် တိုက်ရိုက်အကျိုးဖြစ်စေမဲ့ အရေးအရာများလည်း အပါအဝင်) လောက်ပဲ စိတ်ဝင်စားကြတာ.. ဒါတောင် ကိုယ့်အစိုးရ ဘာရေးထားမှန်းမသိပဲ အစိုးရကိုယ်စားလှယ် အစည်းအဝေး တက်နေသူတွေ… အစည်းအဝေးလုပ်နေချိန်..လှေကားထဲ ချစ်တင်းနှောနေတဲ့ ဇာတ်လမ်းတွေ… မရောက်ဖူးတဲ့နေရာမှာ လျောပင်ထွက်နေသူတွေ … ကိုယ့်အစိုးရကလွဲရင် ကျန်အစိုးရများနဲ့ စကားပြောရမှာ ကြောက်တဲ့ ကိုယ်စားလှယ်တွေအများကြီး ရှိတဲ့ ကမ္ဘာကြီးပေါ်မှာ သူများအစိုးရတွေ အသိမှတ်ပြုဖို့ဆိုတာ တခါတရံ စဉ်းစားစရာတွေ အများကြီး….။ ဒါကြောင့် လူအများစုက ဦးနုကို မထောက်ခံခဲ့တိုင်း အနောက်က လူပေါလို့မြင်တိုင်း ... ဦးနုဟာ လူပေါမဖြစ်ဘူးဆိုတာ နားထည်ထားသင့်တယ်..။ လူထုက မထောက်ခံလည်း မဲအတင်းအဓမ္မရယူ ခိုးယူထားလည်း အာဏာရသွားတဲ့ လက်ရှိ မြန်မာအစိုးရကိုသာ ဥပမာကြည့်...။ ဖြစ်နေတာပဲ.. အစိုးရ....။ အနောက်က ဂ၇ုမစိုက်တော့ရော ဘာဖြစ်လဲ... မြန်မာ အစိုးရ ဆိုတဲ့ နေရာတခု အနာအဆာတွေကြားက အသိအမှတ်ပြုထားရဆဲပဲ မလား…..။

၈၈ ကနေ အပြောင်းအလဲ မလုပ်နိုင်ခဲ့ဘူးဆိုတာ ...လူတိုင်း သိပြီးသား..။ ဖြစ်လား မဖြစ်လား...လုပ်နေသူတွေ ပိုသိကြမယ်ထင်ပါတယ်..။ အဲသလို ဖြစ်လာမယ်ဆိုတာ နိုင်ငံရေး စိတ်ဝင်စားတဲ့ နိုင်ငံရေးသမားကြီးတွေ ဟိုတုန်းကတည်းက တွက်ထားပြီးသား... ဒါကြောင့် အသက်အရွယ်ရောက်နေတဲ့ နိုင်ငံရေးသမားကြီးတွေ ကျွန်မတို့လို တောမခိုခဲ့ဘူး ... အားလည်း မပေးခဲ့ဘူး..။ သူတို့ သိတာတွေ မြင်တာတွေ အများကြီး ချပြခဲ့တယ်... ကိုယ်က လူငယ်မို့ ပြောတာတွေ မယုံခဲ့ဘူး...အာဏာရှင်ကို မုန်းတာပဲ သိခဲ့တယ်..။ ( ဒါက ဦးနုနဲ့ တောခိုသွားတဲ့ တခြားအခြေအနေများကို ထည့် သုံးသပ်ခဲ့တဲ့ အမြင်ပေါ် တုန့်ပြန်ခြင်း… ဆိုလိုတာက ဦးနေဝင်းလူလည် ဖြစ်သလို မြန်မာ့နိုင်ငံရေးသမားတွေ မညံ့ခဲ့ကြဘူး..။ )

ဆိုတော့… အနောက်လို့ ဆိုလိုက်ရင် အချို အချဉ် စပ် အခါး အရသာ အကုန်ရှိနေတယ်ဆိုတာ နိုင်ငံရေးစိတ်ဝင်စားသူတိုင်း သိထားပြီးသားလို့ မြင်ပါတယ်... ပြောချင်တာက အစိုးရကတမျိုး လူတယောက်ချင်းကတမျိုး အဖွဲ့အစည်း ( အစိုးရ နဲ့ အစိုးရ မဟုတ်တဲ့ အဖွဲ့) များရဲ့ စွမ်းပကားနဲ့ လုပ်တက်တဲ့ အကျင့်စရိုက်များကိုလည်း နားလည် သိထားကြမယ်လို့ မြင်ပါတယ်... ။ ( ဥပမာ အနေနဲ့ … ပါကစ္စတန်နဲ့ ၁၉၉၇ နောက်ပိုင်း စီးပွားရေးပျက်ကွက်နဲ့ ပတ်သက်တဲ့ ကိစ္စတွေမှာ အမေရိကန်ရဲ့ အင်ဒိုနီးရှားအပေါ်ထားခဲ့တဲ့ သဘောထား လုပ်ရပ်တွေ.. ဂါတာနာမို..နဲ့ အဘူဂါရိတ် လိုကိစ္စမျိုးတွေဟာ အမေရိကန်ကို အမှတ်တွေ လျှော့စေခဲ့တဲ့ လုပ်ရပ်တွေဆိုတာ မမေ့သင့်ဘူးလို့ ထင်မြင်မိပါတယ်..။… တဘက်မှာလည်း ဒေသတည်ငြိမ်ရေးအတွက်လို့ ကျွေးကြော်ရင်း အရှေ့အာရှ မှာ ၁၉၈၀ နဲ့ ၉၀ ကြား တည်ငြိမ်အောင်လုပ်ရင်း..နျူးကလီးယားတွေ မပျံ့ပွားဖို့ လုပ်ဆောင်ပေးခဲ့တဲ့သဘောထားတွေကလည်း ရှိခဲ့တာမို့… … သူတို့နဲ့ ပတ်သက်ရင် အမြဲတမ်း အကောင်းဆိုး ဒွန်တွဲနေတာကို အမှတ်ရဖို့ လိုမယ်လို့ထင်ပါတယ်..။ )

ရေးချင်တာတော့ အများကြီးပါ..နေသိပ်မကောင်းဘူး..ခေါင်းတွေလည်း သိပ်မကြည်ဘူး... တခုတော့ ပြောချင်တာက ... အနောက်ကိုလည်း အထင်တွေ ကျိုးကြောင်းမဲ့ မုန်းစရာ အထင်ကြီးစရာ မလိုသလို..အရှေ့သားတွေဟာ လည်း တွေးခေါ်မှုမှာ မညံ့ကြဘူး... ငပေါတွေ မဟုတ်ကြဘူး..ဆိုတာရယ်... ယနေ့ ဖြစ်နေတဲ့ ကမ္ဘာ့အခြေအနေကြီးမှာ အာဏာရှင်တွေကို ဘယ်တော့မှ အရူံးပေးလို့ မရဘူး ဆိုတာရယ်… ဦးနုလောက် တိုင်းပြည်အတွက် အချိန်မပေးဘူး… မလုပ်ဖူးသူတွေရဲ့ ဦးနုအပေါ်လှောင်ပြောင်ခြင်း သရော်ခြင်း… များ ရပ်တန့်စေချင်ကြောင်း ပြောရင်း နိဂုံးချုပ်ပါတယ်..။


( ဒီစာတွေကို ရေးဖို့လည်း တခါမှ မစဉ်းစားမိပါဘူး… ကိုမန်းရဲ့ ဘလော့ကို သွားရာကနေ ဦးနုအပေါ် သဘောထားဖတ်ရတာ အဆင်မပြေဖြစ်တာနဲ့ အမြင်ကိုရေးမိတာသာ ဖြစ်ပါတယ်..။ )

မဗေဒါ (၈၈)
၀၃.၀၅.၂၀၁၁