သူတို့အတွက် ခံစားရသမျှ ..

မနေ့က သားသားကို ဘုရားရှိခိုး ခိုင်းပြီး.. အိပ်တော့မယ်လုပ်တော့ စိတ်ထဲမှာ ပါကစ္စတန်က ကလေးတွေ ကို မျက်စိထဲမှာ မြင်နေမိတာနဲ့ ပါးစပ်က နေ ` သနား စရာ ကောင်း တဲ့လူတွေ ` လို့ ရေရွတ်မိတယ်..။ သားသားက ``ဘာလဲ မေမေ `` လို့ မေးတော့ ` ပါကစ္စတန်က ကလေးတွေ သနားပါတယ်.. သားက ကံကောင်းတယ်.. မွေ့ရာပေါ်မှာ အေးအေးဆေးဆေးနဲ့ အိပ်နေလို့ရတယ်.. ဟိုမှာ လူတွေ အိပ်ယာလည်းမရှိ.. စားစရာလည်း မရနဲ့.. သောက်လို့ရတဲ့ ရေလည်းမရှိဘူး သားရဲ့` လို့ပြောမိတယ်..။ သားက ` သူတို့ကို နော်ဝေးကို ခေါ်ရမယ် ` တဲ့..။ သားကို မနက် စောစောထရမယ်… အိပ်တော့ ပြောတော့ သူက သူ့သူငယ်ချင်း တယောက် ပါကစ္စတန် ကနေ ပြန်လာလို့ မရသေးတာ ပြောတော့ ကျွန်မ အံ့သြသွားတယ်.. မြန်မြန် ပြန်လာလို့ရပါစေလို့ အမေတို့ ဆုတောင်းကြတာပေါ့ သား လို့ ပြောကာ သားသားကို အိပ်ခိုင်းရပါတယ်..။ သူလည်း စိတ်မကောင်းဖြစ်ပြီး အိပ်ပျော်သွားခဲ့တယ်..။ ဒါပေမယ့် ကလေးဆိုတော့ လူကြီးလို ရူပ်ထွေးတဲ့ ကိစ္စတွေကို အရှည်ကြီး တွေးတက်မှာ မဟုတ်ဘူး.. သနားတာ ကိုယ်ချင်းစာတက်တာလောက်ပဲ သိမယ်လို့ ထင်တာပဲ..။

တခါတလေ သဘာဝရဲ့ ရိုက်ချက်တွေက သိပ်ပြင်းထန်လွန်းတယ်လို့လား ကျွန်မ တွေးမိတယ်.. ဒီလောက် သည်းထန်တဲ့ မိုးတွေ ဘာကြောင့် များ ရက်ရက်စက်စက် ရွာခဲ့ တိုက်ခဲ့ တာပါလည်း.. ဘယ်သူ့အပြစ်တွေလည်း.. ကျွန်မတို့ အားလုံးမှာ တာဝန်ရှိသလား.. အစရှိသဖြင့် အတွေး မဆုံးဘူး..။ အဓိကကတော့ တီဗွီကနေ မြင်နေရတဲ့ အရွယ်အို လူကြီးသူမတွေ အစာစားရဖို့ လုနေရတာ.. ကလေးတွေ နား ယင်ကောင် တလောင်လောင် အုံနေတာ.. ရေထဲမှာ ကယ်မဲ့သူကို မျှော်နေတာ.. အစုလိုက်အပြုံလိုက် တရွေ့ရွေ့ သွားနေတာတွေကို ကြည့်ရတာ စိတ်ဘဝင် ကို ခပ်ကြမ်းကြမ်း ရိုက်လိုက်သလို ခံစားရတာပဲ..။ ကိုယ်လုပ်တက်တာကလည်း ၅ ပြား ၁၀ ပြား လှူတဲ့ကိစ္စကလွဲရင် ဘာမှ မလုပ်တက်ဘူး.. ။ ကိုယ့်တိုင်းပြည် ရေမျှောတုန်းကလည်း ရူးကြောင်ကြောင် ဖြစ်ချင်ခဲ့တာ.. (တချို့လည်း ဆေးရုံတောင် တက်ကုရတဲ့ အဆင့်ထိ ဖြစ်ခဲ့တာ) တွေ ရှိတယ်..။ အခုလည်း ပါကစ္စတန်ရဲ့ ၃ ပုံ ၁ ပုံက ရေ တွေနဲ့ ဖြစ်နေပြီ..။ ဘယ်လိုမျိုး ရှေ့ဆက်ကြမလည်း မသိဘူး..။

ဒီကနေ့မနက်ပိုင်းကပဲ တီဗွီ သတင်း မှာ လာနေတာ

၁.. အမေရိကန်
၂.. အော်စတေးလျှ
၃.. ဗြိတိန်
၎.. ဆော်ဒီအာရေဘီးယား
၅.. အီးယူ ဆိုပြီး အစဉ်လိုက် ပြောသွားတာပဲ..။

မလေး.. အီရန်.. ယူအေးအီး.. ဂျော်ဒန်.. အစရှိတဲ့ ချမ်းသာတဲ့ အစ္စလာမ် နိုင် ငံ တွေက လှူတာတော့ မတွေ့ဘူး.. ဒါမှမဟုတ်လည်း အဖွဲ့ဝင်လိုက် စုလှူတဲ့ထဲ ပါတာလားလည်း .. မသိဘူး..။

ဟေတီတုန်းက တီဗွီကို နေ့တိုင်း နေ့ရော ညပါ ကြည့်ဖြစ်တယ်..။ စီအန်အန် က သတင်းထောက်တွေ အားလုံးနည်းပါး ဟေတီကနေ ..ဖြစ်နေတာတွေကို သတင်းပို့တာများ တမ္ဘာလုံးက အံ့သြ ခဲ့ရတာပဲ..။ ကမ္ဘာအနှံ့က နာမည်ကြီး (ကျော်) အဆိုတော်တွေ ငွေရှာပေးတယ်.. ကုလ အပါအဝင် တကမ္ဘာလုံးက အများကြီး လှူခဲ့ကြတယ်..။ ဟေတီ သတင်း ၃ ပါတ်လောက်ထိကို ကမ္ဘာ့သတင်းခေါင်းစဉ်ထိပ်ကနေ မဆင်းခဲ့ရဘူး.. လူတွေ အများကြီးရဲ့ စာနာမှုကို ရခဲ့တယ်လို့ မြင်မိတယ်..။ အင်မတန် ကြည်နူးစရာ ပဲ.. လို့ ခံစားခဲ့ရတယ်..။

အောက်စဖမ်း (Oxfam) အဖွဲ့ ရဲ့ အဆိုအရ ဆိုရင် ဟေတီမှာ ဖြစ်ပြီး (၁၀) ရက်အတောအတွင်းမှာ အလှူရှင်တိုင်းပြည်တွေက အာမခံပေးခဲ့တဲ့ ငွေပမာဏာဟာ ၇၄၂ (ယူအက်စ် ဒေါ်လာ ) ရှိခဲ့ပြီးတော့ ၉၂၀ (ယူအက်စ ဒေါ်လာ) ပေးမယ်လို့ ကတိတွေ ရှိခဲ့တာ ပါ..။ အခုပါကစ္စတန်ကျတော့ သိပ်ကို နဲလွန်းနေတယ်.. ဟေတီလိုပဲ ၁၀ ရက်ကြာလာတဲ့အခါ တကယ်ပေးမဲ့ ငွေပမာဏက ၄၅ နဲ့ ၉၁ ပဲ ရှိပါတယ်..။ အကြောင်းတွေကတော့ ဘာသာရေး.. လူမျိုးရေး.. အခြား အကြောင်းတွေ.. အများကြီးရှိမယ်လို့ မြင်ပါတယ်..။

တကယ်တော့ ပါကစ္စတန်မှာ ဖြစ်ဖြစ်ချင်း သိပ်မလှူကြဘူး.. အခုနောက်ပိုင်းမှ ငွေလှူတာ များလာတာတွေ့တယ်..။ ဖိအားတွေက လည်း နဲနဲ ရှိလာတယ်လို့ ထင်တာပဲ..။ နော်ဝေးကတော့ ၃ သန်း ကျော်ပဲလှူတာတွေ့တယ်..။ (မသန့်ရှင်းတဲ့ရေကနေ ရေသန့်လုပ်ပုံပြတွေ နော်ဝေးနိုင်ငံသားတွေ လုပ်တာကို တီဗွီမှာ ပြနေတယ်.. ဟိုမှာ သွားကူညီလုပ်ပေးဖို့ပါ.. .. ) ဘယ်သူ.. ဘယ်နိုင်ငံက ဘယ်လောက်လှူရမယ်လို့ စည်းကမ်းတွေ မရှိပေမဲ့လည်း တကယ်တမ်း အခုလို ဖြစ်လာရင်တော့.. ဆင်းရဲတဲ့ နိုင်ငံက လွဲရင် ကျန်နိုင်ငံတွေ အားလုံး ပါနိုင်ရင်တော့ အကောင်းဆုံးပေါ့.. လူသေတာ ထောင်ဂဏန်းပဲ ရှိပေမဲ့ တကယ်အသက်ရှင်ကျန်နေတဲ့ သူတွေကို မကူရင် ပြဿနာက တော်တော်ကြီးလာမယ် ထင်တာပဲ..။ ဒါကြောင့် ကျန်တဲ့အစွဲတွေကို ဘေးချိတ်လို့.. သာမာန်ပြည်သူတွေ အသက်အိုးအိမ်တွေ စွန့်ရပြီ ဒုက္ခရောက်ပြီ လို့ ရိုးသားတဲ့ မျက်စိနဲ့ ပဲ ကြည့်သင့်တယ်လို့ မြင်မိတာပဲ..။ စေတနာ မေတ္တာဟာ ဘယ်တော့မှ အလကား မဖြစ်ဘူးလို့ ထင်တာပဲ..။

အမှန်တကယ် လက်ခံရရှိမဲ့ လက်တလော ငွေတွေကို ဘယ်လို စနစ်တကျ သုံးကြမလည်း.. တကယ် ဒုက္ခရောက်နေတဲ့ သူဆီကို ရော ဘယ်လောက်ထိ ရောက်မလည်းဆိုတာ ကျွန်မတို့တွေ မသိဘူး..။ ဆုတောင်းပါတယ်.. သူတို့ဆီကို ဘာမှ မရောက်တောင် နေစရာ အခြေခံလိုအပ်ချက်တွေဖြစ်တဲ့ တဲကလေး.. စားစရာ လေး.. ရေ ..လိုအပ်တဲ့ ဆေးဝါးတွေ ရောက်ပါစေလို့..။ ပြီးတော့ အခု ကြုံနေရတဲ့ ဌက်ဖျား.. ဝမ်းပျက်.. ဝမ်းလျှော..အခြားသော ကိုယ်ရေပြား ဆိုင်ရာ စတဲ့ ရောဂါ ဆိုးတွေကိုလည်း စနစ်တကျ ကုပေးမဲ့ နိုင်ငံ တကာက ကျမ်းမာရေး အဖွဲ့တွေ ထိထိရောက်ရောက်နဲ့ အမြန်ဆုံး ရောက်လာပြီး ကူနိုင်ပါ စေ..လို့..။

(မှတ်ချက်.. ဒီနေ့ပဲ သား ကျောင်းက ပြန်လာတော့ ဗုဒ္ဓဟူးနေ့မှာ ကျောင်းမှာ မုန့်ဝယ်ဖို့ ငွေယူသွားရမယ်.. လို့ ဆိုပါတယ်..။ ပါကစ္စတန်ကို လှူဖို့ ဆိုပါတယ်.. ကြည်နူးစရာပါ.. တနိုင်ငံလုံးက ကျောင်းတွေသာ အဲလို လုပ်ရင် ငွေတွေ သန်းနဲ့ ချီရမှာ ဖြစ်ပါတယ်..။ )

ခံစားရတာတွေ ရေးတာပါ..။ အားလုံးမျှဝေ ခံစားနိုင်ကြပါစေလို့ ..။


မဗေဒါ
၂၃.၀၈.၂၀၁၀