ကျွန်မအတွက် မြန်မာစာသည် ခက်နေဆဲ …

မနေ့က ဘလော့ဂ်တွေမှာ စာတွေ လိုက်ဖတ်ရင်း ညီမ ခင်လေးငယ် ရေးထားတာကို အမြင်လေး ပြောပြီး ထားခဲ့ပါတယ်..။ နောက်သူက ကျွန်မ အမှား ရေးထားတာကို မသိမသာ (ပညာသား ပါပါ) ပြန်ပြင်ရေး ထားတာလေးကို တွေ့ရပါတော့တယ်..။ သိပ်တော်တဲ့ စာရေးသူပါပဲ..။ နေ့လယ်တဲ့..။ ကျွန်မသည် အခု အချိန်ထိ မြန်မာ စာတွေ ရေးတိုင်း မမှားသင့် တာတွေကို ခဏခဏ မှားနေသည်မှာ အခုမှ မဟုတ်ပဲ လွန်ခဲ့တဲ့ နှစ်ပေါင်း များစွာ ကတည်းက ဟု ဆိုနိုင်ပါသည်..။ ဟိုတုန်းက စာတွေ ရေးသည့် အခါ ကျွန်မတို့၏ မိခင်အဖွဲ့မှ အယ်ဒီတာကြီး (မလေးလုံ.. ဟိုတုန်းက မြန်မာပြည်ထဲမှာ မလေးလုံ ဆိုတဲ့ အမည်နဲ့ စာရေးခဲ့သူ..) က ကျွန်မကို အစဉ် ပြင်ပေးပါသည်..။ စာတွေ ချရေးတိုင်း စာလုံးပေါင်း တစ်ခုခု မသေချာပါက ကျွန်မ စိတ်တို ခဲ့ရသည်မှာ အကြိမ်ပေါင်း မနည်းတော့..။ မြန်မာစာ အဘိဓာန်က ဒီလို ရေးထားတယ်.. အများစုက ဒီလိုရေးတယ်.. ဆိုပြီး ဇဝေဇဝါ ဖြစ်ခဲ့ပေါင်းလည်း မနည်းတော့ပေ..။ တခါတရံ မမှားသင့်သည်များကို မှားတာမို့ အင်မတိ အင်မတန်ကို ရှက်ဖို့ ကောင်းခြင်း ဖြစ်မိပါသည်..။

စာလုံးပေါင်းမှ မဟုတ် စာကြောင်း တကြောင်းမှာ စာပိုတွေ ဖြစ်နေ တတ်တာ အဓိပ္ပါယ် အယူအကောက်တွေ ပြောင်းသွား နိုင်တာ တွေလည်း ဖြစ်တက်တာမို့ ကျွန်မ စာရေးတာကို တစ်စုံ တစ်ယောက်က မိုက်တယ်လို့ ကြားရတဲ့ အခါ တကယ် ပြောတာလား ပြောင်းပြန် ပြောတာလား ဆိုပြီး စဉ်းစားမိသည်လည်း အကြိမ်ပေါင်း မနည်း..။ ထိုသူများ၏ စကားကို တခါတခါ ပြန်စဉ်းစားတိုင်း ငါရဲ့ မြန်မာစာတွေ မှားတာတွေ မိုက်နေတာ ဖြစ်မယ်ဟု ကိုယ့်ဘာသာ တွေးပြီး ရယ်မောတတ် ပါသေးသည်..။ အဲဒီ မလေးလုံနှင့်လည်း တခါတလေ မြန်မာစာလုံးတွေ အကြောင်း အငြင်းပွားရသည်မှာ ပျော်စရာ.. စိတ်တို စရာတွေ ဖြစ်ပါသည်..။

တခါက ကျွန်မတို့သည် ပုံနှိပ် ထုတ်ဝေမည့် စာအုပ်ကို ပြင်ကြရာ စာအုပ်ရေးသည့် ကျွန်မက `ပန်းရောင်` ဟု ရေးထားပါသည်..။ မလေးလုံက အယ်ဒီတာမကြီးပေါ့. (မ.. ထည့်ပြောမှ တော်ကြာနေ အယ်ဒီတာ ဆိုရင် ယောက်ျား ကောင်ကြီးကို မြင်မှာ စိုးလို့.. အမှန်မှာက စာလုံးအပိုဖြစ်နေတယ်ထင်ပါ့) .။ အကြောင်းအရာက အရောင်တွေကို တင်ပြ ထားခြင်း ဖြစ်ပါသည်..။ သူက ကျွန်မကို ကျန်တာတွေ မှန်တယ်.. ပန်းရောင်က မှားတယ်လို့ ပြောပါတယ်..။ ကျွန်မကလည်း ပြန် ငြင်းပါတယ်..။ ပြာတဲ့အရောင် စိမ်းတဲ့ အရောင်သာလျှင် အစိမ်း.. အပြာလို့ ခေါ်တယ် ဘာညာဖြစ် ပြန် ပြောတော့ သူကလည်း မလျှော့တဲ့ အပြင် နင်ငါ့ကို အရပ် စကားတွေနဲ့ မငြင်းနဲ့တဲ့ .. ဘယ်လောက် စိတ်တို ရပါသလဲ.. (ကိုယ်က အရပ်ထဲ မနေတာ အဲတုန်းက နှစ်ပေါင်း ၁၀ နှစ် ကျော် ကြာခဲ့ပြီ ဆိုတော့ အဲလို အပြောခံ ရရင် သိပ်နာသည်.. ) ကြုံတုန်း ပြောဦးမည်..။ ကျွန်မတို့ ကျင်လည် ခဲ့ကြသည့် အချိန်တွင် တစ်ယောက်နဲ့ တစ်ယောက် ဘယ်တော့မှ နင်ဘဲ ငဆ ပြောလေ့ ပြောထ မရှိပါ..။ အခုထိ `ပန်းရောင်`လား `အပန်းရောင်`လား ဆိုသည်ကို မသေချာပါ..။ သိသူများ ဥပမာ ဥပမေယျတွေနဲ့ ပြောခဲ့စေ ချင်ပါတယ်..။ ကျွန်မကတော့ ကျွန်မမှန်သည် ထင်ပါသည်..။ ဟီး ဟီး အဲလို ပြောချင်လို့ အဲဒါ ထည့်ရေး လိုက်တာပါ..။ နောက်တာပါ..။ အတည်လည်း ဒါပါပဲ..။

လိုရင်း ပြောချင် သည်မှာကား ကျွန်မ၏ မြန်မာစာများ ရိုက်.. ရေး ရာတွင် အမှားများဖြင့် ရှိတက်ပါသည်..။ ထိုသို့ မှားခြင်းမှာ တကယ် မသိသည့် အတွက် ဖြစ်သလို သိသည့် စာများကိုလည်း ဇဝေဇဝါ ဖြစ်နေရာကနေ ပုံနှိပ်စာများကို မရှာ .. အဘိဓာန် မသုံးပဲ ရေးထည့် လိုက်ခြင်း ဖြစ်သည့် အတွက် မြန်မာစာကို မလေးစားသလို ဖြစ်နေပါသည်..။ ကျွန်မ အမှန်ဆုံး ဖြစ်အောင် ကြိုးစားပါမည်..။ လောလောဆယ် ကျွန်မ အခုချိန်ထိ မှားနေသည့် စာလုံးများကို အောက်မှာ ကြည့်စေချင် သလို ကျွန်မ မှားသလို တချို့သော ဘလော့ဂ် များတွင် မှားနေသည် ကိုလည်း ခဏခဏ တွေ့နေရသည့် အတွက် အခုလို ကိုယ့်ကိုယ်ကို အာပမု ပေး၍ တင်ပြပါသည်..။ (ဟီး စိတ်မဆိုး ကြပါနဲ့ အပြုသဘောပါ.. မဗေဒါက တည့်တည့် မပြောရဲ၍သာ.. သတ္တိ.. သတ္တိ) မဗေဒါ ရေးသည့်ထဲတွင် မြန်မာစာ သတ်ပုံ အမှားများ တွေ့ပါကလည်း ပြောသာပြောပါ အားမနာပါနဲ့ ဟုတခါတည်း ပြောခဲ့ပါသည်..။

ကျွန်မရေး နေကြ အမှားများ..

• ၁…။ သွားရည်ယို ကို သရေယို
• ၂..။ ရဲဘော်ရဲဘက် ကို ရဲဖော်ရဲဘက်
• ၃..။ ယောက်ျားကို ယောကျာ်း
• ၄..။ နေ့လယ် ကို နေ့လည်
• ၅..။ ထိန်းသိမ်း ကို ထိမ်းသိမ်း
• ၆..။ မြင်လိုဇော ကို မြင်လိုစော
• ၇..။ နှိပ်စက် ကို နှိပ့်စက်
• ၈..။ ပတ်သက် ကို ပတ်သတ်
• ၉..။ ဆိုးရွားကို စိုးရွား
• ၁၀..။ ညိူးမှိန် ကို ညိူးမိန်
• ၁၁..။ ဆိုးတူ ကောင်းဖက် ကို စိုးတူ ကောင်းဖက်
• ၁၂..။ ကိုယ့်ကိုယ်ကို ကို ကိုယ့်ကိုကိုယ်
• ၁၃..။ ချိုးလင်းပြာ ကို ဂျိုးလင်းပြာ
• ၁၄..။အကျပ်အတည်းကို အကြပ်အတည်း
• ၁၅..။ သူ့ဘက်ကိုယ့်ဘက် ကို သူ့ဖက်ကိုယ့်ဖက်
• ၁၆..။ ကတိ ကို ဂတိဟု ရေးလေ့ ရေးထ ရှိပါသည်..။ အနောက်ဘက်မှ စာလုံးပေါင်း သည် ကျွန်မပေါင်းနေကြ အမှားများဖြစ်ပါသည်..။

အမှားတွေ့ရင်ပြင်ပေးပါ..။ နောက်တခုက အခုထိ မရှင်းသေးသော် စာလုံးပေါင်း `ကျွန်မ` လား `ကျမ`လား .. ..ကျွန်မကတော့ `ကျွန်မ `မှန်တယ် ထင်တယ်..။ ကျွန်မက အမြဲတမ်း မှန်ချင်နေသူ.. အရက်က ဥရောပမှာ ဈေးကြီးသည်..။ နောက်တာပါ.. အတည်လည်း ဒါပါပဲ..။ တော်သေးပြီးးးးးးးးးးးးးးးးးး..။

မဗေဒါ
၂၄.၀၄.၂၀၁၀