အဓိပါယ်ကို နားလည်အောင် ရှင်းပြထားသင့်တယ်.. (သိထား ဖို့လိုတယ်)

ကလေးများ ငယ်စဉ်အခါမှာ သူတို့ရဲ့ မွေးရာပါ ဖွားဘက်တော် လေးတွေကို အစော်ကားခံရတာမျိုးတွေ မကြာခဏ ကြားရတက်ပါတယ်… ဒါက နေရာအနှံ့အပြား ဖြစ်တည်နေတာမျိုးပါ..။ အခုတလော နော်ဝေးက မြို့လေးတခုမှာ (၁၀) နှစ်အရွယ် ကလေးမလေး တယောက် အစော်ကားခံခဲ့ရသလို ယောက်ျားလေး တယောက်လည်း အစော်ကားခံခဲ့ရတာကို အကြောင်းပြုလို့ လိင်မှုဗေဒပိုင်းဆိုင်ရာ အကြံပေးက ကလေးတွေ လိင်ပိုင်း ဆိုင်ရာ အစော်ကားခံရတဲ့ အဓိပါယ်ကို သိဖို့ အကြံပေးထားပါတယ်..။

တကယ်တော့ အဲလို အစော်ကားခံရတာမျိုး ၃ ခုလောက်မှာက ၁ ခုဟာဆိုရင် ကလေးငယ်ငယ်လေးတွေမှာ ဖြစ်တက်တာမျိုးပါ ..။ ဒါပေမဲ့လည်း သိဖို့ ဆိုတာ ခက်ပါတယ်..။ ဒီလိုဖြစ်တာတွေကို အမြဲတမ်း ဖုံးကွယ် ထားတာမျိုးတွေလည်း ရှိတက်ပါတယ်.။ ကလေးတွေ အခုလိုမျိုး အဖြစ်မျိုး ကြုံရတဲ့ အခါမှာ ပြန်ပြောပြ ရင်လည်း မယုံကြည်ကြပြန်ပါဘူး..။ အကြံပေးပညာရှင် ပြောတဲ့ ဥပမာတခုကို ကြည့်ရအောင်ပါ..။ သူ့လူနာ တယောက်ဖြစ်တဲ့ ၆ နှစ်သားသာ ရှိသေးတဲ့ ကလေးကို သူ့ သူငယ်ချင်း အကို က စော်ကားခဲ့ တာပါ…။ ကလေးက အမေကို ပြောတော့ မိခင်က နင်ဘာတွေ လျှောက်လုပ်ခဲ့တာလဲ ဆိုပြီး ပြန်မေးပါတယ်.. ကလေးကလည်း ဘာမှ မဟုတ်ဘူးလို့ ဆိုပါတယ်… တကယ် တော့ ကလေး ထင်သွားတာက ဒီလို ဖြစ်တာဟာ သူ့အမှားလို့ ယုံကြည်သွားပါတယ်.. သူ့ကိုယ်သူ အပြစ်ရှိတယ်လို ထင်သွားတာပါ..။ ဘာမှ ဆက်မပြောတော့ဘူးပေါ့..။

အကြံပေး ပြောတာက ကလေးတွေ မိဘတွေကို ဒီလိုသိအောင် ပြောပြပြီး ခြိမ်းခြောက်တာ မဟုတ်ပါဘူး..တဲ့..။ ဒီလို ကိစ္စမျိုးတွေ ဖြစ်နိုင်ချေ တွေ ရှိတက်တယ်…ဒါကြောင့် ကိုယ့်ကလေးတွေ ကို သိအောင် ကြိုတင်ပြီး အသိ ပညာပေး ထားသင့်တာကို ဆိုလိုခြင်းသာ ဖြစ်ပါတယ်…။ ဒါဆိုရင် ကလေးတွေက တခုခုကြုံရင် ကိုယ့်ကို လာပြောမှာ ပါ..။ ဒီနည်းနဲ့ ကိုယ်လည်း တားဆီး တာမျိုးတွေ လုပ်နိုင်တာလို့ အကြံပေးတာ ဖြစ်ပါတယ်..။ ဒီလိုနည်းနဲ့ ပထမအကြိမ် မှာ မတားနိုင်တောင် အကြိမ်ပေါင်းများစွာ အစော်ကားမခံရအောင် ကိုယ်က ကာကွယ်ပေးနိုင်ပါတယ်..။

အကြံပေးတာက ဒီလိုပါ… လူကြီး ကလေး အကုန်လုံးက ကိုယ့်အပေါ်ကို မကောင်းနိုင်ပါဘူး…။ လူစိမ်းဖြစ်ဖြစ်.. သိတဲ့ သူပဲဖြစ်ဖြစ် ကိုယ့်ရဲ့ (မွေးရာပါ ….ဖွားဘက်တော် ) ကို လာပြီး တခုခု လုပ်နိုင်တာမျိုး ကြုံရတက်ပါတယ်..။ ဒါမှမဟုတ်လည်း သူတို့ရဲ့ မွေးရာပါ … ကို ကိုယ့်ကို လာပြတက်ပါတယ်…။ ဘယ်ဟာပဲဖြစ်ဖြစ် လုပ်လို့ မရပါဘူး..။ ဒီဟာက ဆော့စရာ မဟုတ်ဘူး… ။ လူကြီးကို ပြန်ပြော အသိပေးတာ မဟုတ်တာ ပြောတာမဟုတ်ဘူး အစရှိသဖြင့် သင်ပေးထားရပါမယ် … ။ ဒီလို ဖြစ်ခဲ့ရင် ကိုယ်ယုံရတဲ့ လူကြီး တွေကို အမြန်ဆုံး ပြောဖို့ အသိပေးဖို့ ပြောထား ရပါမယ်..တဲ့…….။

သူ ဆိုလိုချင်တာက ကလေးတွေက ဒီ အဓိပါယ်ရယ်… ကိုယ့်ကို စော်ကားတာရယ် ဆိုတဲ့ အသိညဏ် ကို သိဖို့ အင်မတန် အရေးကြီးကြောင်း ဆိုလိုတာပါ..။ တကယ်တော့ လူတွေကို စိတ်ပူ ကြောက်လန့်အောင် လုပ်တာမဟုတ်ပါဘူး… ။ လူတယောက်ဟာ ကားကူးရင် ဘက် ၂ ဘက် စလုံးကို ကြည့်ရသလို အခုလည်း ဒီသဘောဆောင်တာပါပဲ…။ အားလုံး သိသလိုပဲ အဲလို စော်ကားမှု လုပ်တဲ့ သူတွေ အများစုဟာလည်း သိတဲ့ နီးစပ် ရင်းနှီးတဲ့ သူတွေကပဲ ပြုမူတာများတာမို့ ကလေးတွေကို အသိညဏ် ပေးထားသင့်ပါတယ်တဲ့ ..။

ကလေးက ကိုယ့်ကို လာပြောရင် နောက်နေတာ လို့ မဆိုရပါဘူး.. သူပြောတာကို ပြန်ပြော မေးရင်း ပိုသိအောင် လုပ်ရပါ့မယ်.. ပြီးရင် ဒီလို အကြောင်းတွေ သိတဲ့ လူတွေ နဲ့ ဆွေးနွေးတိုင်ပင်နိုင်ပါတယ်..။ ကလေးတွေဟာ ညာပြောတက်ပေမဲ့ ဒီလို မဟုတ်တရုတ် ခက်ခဲတဲ့ ကိစ္စ မျိုးတွေမှာ မလိမ်တက်ပါဘူး.. ဒါကြောင့် သူတို့ပြောတာတွေကို သေချာနားထောင် ပေးသင့်ပါကြောင်း……။


ခရစ် စလမ် .. Chrislam

နိုင်ဂျီးရီးယား နိုင်ငံ လာဂူ မြို့လေးမှာ ထူးဆန်းတဲ့ ဘာသာရေး အဖွဲ့ ရှိပါတယ်.. ဗိုလ်လိုတော့ ( Chrislam) ပါတဲ့ ..။ ဘာသာရေး ဆရာ က ခရစ် ကျမ်းစာရော အစ္စလာမ် ကျမ်းစာအုပ်ရော သုံးပြီး တော့ ပညာပေးနေတာပါ..။ သူက ကလေးတွေ အကုန်လုံးဟာ ( Abraham ) ရဲ့ ကလေးတွေလို့ ဆိုပြီး သီချင်းတွေ အတူတူ သီဆိုပါတယ်..။ ဘာသာရေး အမည်ကလည်း ထူးထူး ဆန်းဆန်းပါ… ခရစ် အစ်စလာမ် တဲ့… ဒါက ခရစ်ယာန်… အစ္စလာမ် နဲ့ အရင်က အာဖရိကန် ဘာသာများကို ပေါင်းစည်းပြီးတော့ ခေါ်ဆိုပါတယ်…အဖွဲ့ဝင်ပေါင်း ၁၅၀၀ လောက် ရှိပါတယ်.. ။

တကယ်တော့ နိုင်ဂျီးရီးယားဟာ လူပေါင်း သန်း ၁၄၀ ရှိတဲ့ နိုင်ငံပါ.. တဝက်လောက်က ခရစ် တဝက်လောက်က အစ္စလာမ်ပါ.. တချိန်လုံး ရန်ဖြစ် နေကြတာ နှစ်ပေါင်း မနည်းတော့ပါဘူး…။ အခု ဒီဘာသာ အသစ်ဟာ အခုလို သတ်ဖြတ် နေတာကို စိတ်ကုန် ညစ် နေကြတဲ့ လူတွေအတွက် ရည်ရွယ်ပါတယ်..။ အခုလို တဖွဲ့နဲ့ တဖွဲ့ မတူတာကို စဉ်းစားမဲ့အစား… တူတာတွေကို ရှာဖွေတာကို လုပ်ကြတာဖြစ်ပါတယ်..။

အခု အဖွဲ့လေးဖြစ်တဲ့ (Chrislam) က ၁၉၈၀ လောက်မှာ စတင်ပါတယ်..။ သူပြောတာက ဘုရား သခင် အလိုကျ ဖြစ်တဲ့ ( Ifeoluwa..ဘုရားသခင်များ အလိုတော်ဆန္ဒ ) ကို ပုံဖော်ဖို့ လို့ ဆိုပါတယ်… ။ အခုတော့ တခြား သူ တယောက် က ဦးဆောင်နေပါတယ်…။ သူက ( Shamsuddin Saka) ပါ..။ သူကလည်း ဘုရားသခင်ဆီကနေ အကြောင်းကြားချက် ရရာကနေ ပါဝင် လုပ်ဆောင်နေတာပါ..- ။ ဘုရားသခင်က သူ့ကို ဒီဘာသာကြီး ၂ ခုကြား ငြိမ်းချမ်းရေး ဖြစ်အောင် လုပ်ဖို့ တောင်းဆိုတယ်လို့ အမေရိကန် အသံလွင့်ဌာန တခုကို မေးမြန်းတွေ့ဆုံ တုန်းကလည်း ပြောခဲ့ ပါသေးတယ် ..။ ဒါနဲ့ ( Saka ) ကို စခဲ့ပါတယ်..။

ဒီဘာသာဟာ ပေါင်းစည်းထားတဲ့ ဘာသာ တခုပါ… ဒီလိုမျိုး ပုံစံကို တခြား ဒေသတွေ ဖြစ်တဲ့ တူကီ မှာ ဆိုရင် ( Alevisme) နဲ့  ဂျပန်မှာ ဆိုရင် ( Shinto- Buddhisme ) တို့ဟာ မတူတဲ့ ယုံကြည်မှုတွေ စုစည်းထားတဲ့ တခုတည်းသော ဘာသာအောက်မှာ ပါဝင် နေကြတာ ပါ..။ လယ်ဂူ မြို့လေးက ဒီဘုရားကျောင်း ကို လူပေါင်းစုံ သွားကြပါတယ်… အကုန်လုံးနည်းပါးက ဆင်းရဲကြတယ်.. သူတို့မှာ ရှေ့အနာဂါတ်အတွက် မျှော်လင့်ချက်တွေ ကိုယ်စီနဲ့ပါ…။ သင်းအုပ်ဆရာကလည်း ငြိမ်းချမ်းရေး ဆိုတာကို ဖန်တီးဖို့ သင်ကြားပို့ချပါတယ်တဲ့… ။

ဒီအကြောင်း ရေးခဲ့သူက ဒိန်းမတ်က ကျောင်းသူပါ.. သူက ဘာသာရေးနဲ့.. လူမူရေးဆိုင်ရာ သီအိုရီ အယူအဆ တွေကို လေ့လာသူပါ… ဒါကြောင့် ဒိန်းမတ်မှာ ဒီအကြောင်းကို ဆွေးနွေးကြတော့ တချို့က ဒီဘာသာဟာ ( ဂိုဏ်းကွဲ ) လို့ ဆိုပါတယ်.. ဆိုလိုတာက ဒီလို ထူးဆန်းတဲ့ စည်းမျဉ်းတွေ လိုက်နာနေကြသလို တခြားသူတွေ အတွက်လည်း လမ်းမဖွင့်ထားဘူးလို့ ဆိုလိုကြခြင်းပါ..။

သုတေသန ပြုထားတဲ့ ဒိန်းမတ် ကျောင်းသူ ဆိုလိုတာက ဘာသာခြား အယူအဆ တခု အပေါ် အခုလို မခေါ်ဝေါ်သင့်ဘူးလို့ ဆိုပါတယ်..။ တကယ်တော့ အခုလို သုံးတဲ့ စကား ရဲ့ အဓိပါယ်ဟာ လူ့အဖွဲ့အစည်းကို အကောင်းမမြင်တဲ့ အုပ်စု တခုလို့ အဓိပါယ် ရှိပါတယ်တဲ့… အခု ခရစ်… အစ္စလာမ် Chrislam ကတော့ လူ့အသိုင်းအဝန်းအတွက်… ကောင်းတဲ့ သဘောထား… တွေ အတွက် လုပ်ဆောင် ပေးနေတာမို့ … အခုလို ဝိသေသ မပြုသင့်ကြောင်းပါတဲ့ ရှင် ..။

သေသူနဲ့ စကားပြောဆက်သွယ်တဲ့ နော်ဝေးမင်းသမီး

ဟိုတလောက သတင်းထဲမှာ ဟိုးလေးကျော်ပါ.. နော်ဝေးမင်းသားနဲ့ လက်ဆပ်ထားတဲ့ မင်းသမီး ( Martha Louise) က သေသူနဲ့ ဆက်သွယ် စကားပြောလို့ ရတယ်ဆိုပဲ..။ ဒါကြောင့် အဲဒီ သေသူတွေနဲ့ စကားပြောလို့ ရတယ်ဆိုတဲ့ သင်တန်း မျိုးကို သူဖွင့်ထားတဲ့ကျောင်းမှာ သင်ပေးမယ်ဆိုသတဲ့..။ အဲဒီမှာ သေသူ ( ခရစ်ယာန်တွေမှာ ဘုရားသခင်ရဲ့ တမန် .. ဒါမှမဟုတ် နတ်သမီး.. နတ်သားလေး )တွေ နဲ့ ဘယ်လိုမျိုး ဆက်သွယ်ရတယ် ဆိုတာကို သူ ပြသမယ်လို့ ဆိုပါတယ်..။ ဒါပေမယ့်…………….လည်း နိုင်ငံရေးသမား.. သာသာရေး ဆရာ များကတော့ အဲဒီ သေသူတွေနဲ့ မင်းသမီး ဆက်သွယ် မှာကို အင်မတန်မှ ကြောက်လန့် စိတ်ပူနေကြပါသတဲ့..ကွယ်..။

( သူ့ ချစ်ချစ် မင်းသားလေးကလည်း အခုလိုမျိုး သူ့မင်းသမီးလေး ပြောတာကို မလှောင်သင့်ဘူး… တယောက် မဖြစ် နိုင်… မသိနိုင်တာကို တခြားတယောက် သိတာ ကို အပြန်အလှန် နားလည် လေးစားရမယ်လို့လည်း ဖတ်လိုက်ရပါသေးတယ်..။ စိန်ဗေဒါတော့ ကြောက်တယ်… သေပြီးသွားတဲ့ သူနဲ့ မဆက်သွယ်ရဲပါ..။ တော်ကြာ သေသွားတဲ့သူက အိမ်က ချစ်ချစ်လောက် မလှရင် ဒုက္ခ..။ အခုတောင် အိမ်မှာ တယောက်တည်း စာရေးရင်း လေတိုက်လွန်းလို့ တံခါးတွေ အလိုလို ဝုန်းဒိုင်း ပိတ်သွားတာ သေတဲ့သူ လာနုတ်ဆက်တယ်ထင်လို့ ကြက်သီးတွေ ထသွားသေးတယ်.. ကြောက်ပါဘူး… အသက်ရှိတဲ့ သူကိုပဲကြောက်တာ..။ ရဲသွေးတွေ ပြနေတဲ့ စိန်ဗေဒါ ကြောက်…။ )

စာလာဖတ်သူများ အားလုံးကိုကျေးဇူးတင်ပါတယ်..။ ဒီတပတ် စနေ.. တနင်္ဂနွေ အားတဲ့အတွက် ဘီးးးးးးးးးးးးလော့ဂါးးးးးးးးးးးးးသူငယ်ချင်းများထံ လာပါမယ်ရှင်..။

အဓိပါယ်မှာ အောက်က ပ က အမြဲတမ်းပဲ ပြဿနာ တက်ပါတယ်… ရိုက်မရပါဘူး..။ ထို့အတူ` ရ` ကို အတို ရိုက်မရတာမျိုး အပါအဝင် တချို့ စာလုံးများ ရိုက်မရတာမျိုး တွေ ရှိတက်ပါတယ်.. ဒါကြောင့် စာဖတ်သူများ တပါတည်း တောင်းပန်ပါတယ် … ။

နော်ဝေးလို ခံစားမည့်သူများ… အမှတ်စဉ် ၃၆ မှာ အားပေးနိုင်ပါတယ်..။

မဗေဒါ
၂၄.၀၉.၂၀၁၀