ရွာလူဂျီးများ ကြွလာပြီ။ ကြွေပဂံ ယူခဲ့ပါ။

အခုတလော စိတ်ထဲမတွေ့တဲ့ မြန်မာစကားပြောသံ.. တင်ပြသံတွေ နဲနဲကြားမိတော့ စဉ်းစားစရာတွေ များများလာတယ်..။ မြန်မာလို တင်ဆက်နေတဲ့ ရေဒီယိုလိုင်းတခုက ဆိုရင် `ကြိုးကြား ပစ်ခတ်မှု` ကို အဲဒီ စာအတိုင်းပဲ အသံမပြောင်းပဲ ဖတ်သွားတော့ အော် ဒို့ဗမာလူကြီးတွေလည်း ငယ်ငယ်က သင်ခဲ့ရတာ.. တွေ မေ့လို့လား.. တိုင်းတပါးစာတွေ ဖတ်ရလွန်းလို့ မြန်မာစကားအသိ တွေ ဆင်းရဲသွားတာလား.. သတိမထားမိတာလား ဒါမှမဟုတ် အလုပ်ကို တော်အိလျော်အိ လုပ်နေတာလားလို့ စဉ်းစားမိတော့ အိမ်က ကျေးဇူးရှင်လေးကို နဲနဲ ဒေါသပြေသွားတယ်..။ အိမ်က ကျေးဇူးရှင်လေးကို မြန်မာစာ သင်ပေးနေတော့ သူမေးတဲ့ မေးခွန်းတွေကို ဖြေဖို့ရာ ကျိုးစားအားထုတ်ရင်း …. ဒီပို့စ်ကို ရေးမိတာပါ..။

သားသားကို မြန်မာစာ သင်ပေးတဲ့ ထဲက စာပိုဒ် တခု ကို ဖတ်ကြည့်စေချင်ပါတယ်..

ရွာလူကြီးများ ကြွလာပြီ။
ကြွေပန်းကန် ယူခဲ့ပါ။
ကျွဲကောသီး ထည့်ထားပါ။
ကျွေးမွေး ပြုစု ပါရစေ။

မြန်မာပြည်က လမ်းညွန်ထားတဲ့ ပုံမုန်စာသင်ပုံအရ ဆိုတော့ `သင်ခန်းစာ` က စာတွေကို အရင်ဖတ်ခိုင်း ရှင်းပြပေးထားပါတယ်..။ ပြီးရင် ညွန်ကြားထားတဲ့အတိုင်း `လေ့ကျင့်ရန်`ကို အထပ်ထပ် နားလည်အောင် ရှင်းပြပြီးမှ `ဖတ်စာ` ကို ဆိုခိုင်း ပါတယ်..။ အားလုံး နားလည်မှ စာတပုဒ်လုံးကို စာလုံး ပြန်ပေါင်းပြီး ခပ်သွက်သွက်လေး ဆိုခိုင်းပါတယ်.. ။ သားကလည်း သူ့ကို သင်ထားတဲ့အတိုင်း ဖတ်ပါတယ်..။ ဖတ်ပုံက ရေးထားတဲ့ အတိုင်းပဲ ဖတ်ပါတယ်..။ အသံ မပြောင်းပါဘူး..။ ဒီစာဟာ ဒုတိယအကြိမ် တတိယအကြိမ် ပြန်သင် ပြန်ချ ပေးနေတာဆိုတော့ အသံထွက် တာ မမှန်တော့ နဲနဲစိတ်တိုပါတယ်..။ ဒါပေမယ့်လည်း သူရဲ့ နေ့စဉ်ဘဝက မြန်မာစာ (စကား) နဲ့ ဝေးနေရတဲ့အပေါ်မှာရော.. ကျွန်မတို့ကိုယ်တိုင်လည်း စိတ်ရှည်ရှည် နဲ့ နေ့စဉ်နေ့တိုင်း သေသေချာချာ အချိန်ယူပြီး စာမသင် ပေးနိုင်တာကြောင့် ` သားကို မေမေပြောတာ ဖတ်ရင် အသံ..ရေးရင် အမှန် လို့ပြောထားတယ်မလား.. ပြန်ဆိုမယ် အတူတူ ` ဆိုကာ


`` ရွာလူချီး (ဂျီး) များ ကြွလာပြီ။
ကြွေ (ပဂံ )ယူခဲ့ပါ။
ကျွဲကောသီး ထည့်ထား (ဘာ)။
ကျွေးမွေး ပြုစု ( ပယစေ).. ``ဆိုတဲ့ အနီးစပ်ဆုံး အသံမှန်ကို ထွက်ပြရပါတယ်..။

သားက သူ့ကို နဲနဲ စိတ်တိုတော့ သိတော့ ဘာဖြစ်လို့ အသံပြောင်းသွားရသလဲ ဆိုတာကို ထပ်မေးပါတယ်..။ ပြောချင်တာက သားသား မေမေရှင်းပြတာတွေ မမှတ်မိတော့ဘူးပေါ့..။ ဒီတော့ သူ နေ့စဉ် သင် (ဖတ်) နေရတဲ့ နော်ဝေး ဘာသာက အသံပြောင်းသွားတဲ့ ပုံစံနဲ့ နဲနဲ နှိင်းယှဉ်ပြောပြ ရပါတယ်..။ ကျွန်မအဖြေကို သိပ်မကျေနပ်တာ ကျွန်မသိပါတယ်.. သူနားမလည်တဲ့ မသင်ရသေးတဲ့ နာမ်..ကြိယာ.. နာမဝိသေသန တွေ (ဗျည်း.. သရ အသံ) ထွက်တွေပေါင်းတဲ့အခါ ထွက်တဲ့ .. သံနုံ့.. သံပြင်း ဆိုတာတွေနဲ့ ဘာသာရပ်ဆိုင်ရာ စကားလုံးတွေကိုပဲ နားလည်သလောက်ရှင်းပြ ရမလား အစ ရှိသဖြင့် တွေးမိပါသေးတယ်..။ ဒီလိုကျတော့လည်း ကလေးက နားလည်ပါ့မလား.. ။

တကယ်တော့ ကျွန်မတို့ ငယ်ငယ်ကလည်း ဆရာများ မိဘများက` ဖတ်ရင် အသံ ရေးရင် အမှန်`လို့ပဲ တိုတို တုတ်တုတ် ရှင်းပြ ခဲ့တာ မို့ အဲဒီထက် ပိုမသိခဲ့ပါဘူး..။ သား သာ မြန်မာ အသိုင်းအဝိုင်းထဲမှာသာ ကြီးရင် ဒီလို ရေးထားရင် ဒုတိယ အပိုဒ်က အသံမျိုး ထွက်ရမယ်ဆိုတာ သိပ်ရှင်းပြစရာ သိပ်မလိုပါဘူးလို့ ထင်တာပဲ..။ ဆိုလိုတာက မိဘ.. ဆရာ နဲ့ သူ့အသိုင်းအဝန်းက ပြောနေတာတွေကို နေ့စဉ်နေ့တိုင်း ကြားရင်ဖြင့် အလိုလို သိသွားမယ် ထင်တာပဲ.. ။ အရှည်ကြီး စိတ်ညစ်ခံပြီး ရှင်းပြ မနေရတော့ဘူးပေါ့..။ အခုတော့ဖြစ်… `မြေဖြူ `ဆိုတာ မရင်းနှီး.. `အကြွေး` ဆိုတာကို နားမလည်… `အားရ ပါးရ ` ဆိုတဲ့ စကားလုံး ကို ရယ်စရာ အဖြစ် သဘောကျနေတဲ့ ကျွန်မ သားကို တခါတရံ သနား တခါတရံ ဒေါသထွက်ရ ..အချိန်တွေ အကြာကြီး မြန်မာလို နော်ဝေးလို ပေါင်းရှင်းရ နဲ့ ဖြစ်နေတာပါပဲ..။

အခုတော့ သူဖတ်နေတဲ့ အသံ … စကားပြောဟန် တွေဟာ မြန်မာစာ မတက်တဲ့ ဒါမှမဟုတ်လည်း တက်ကာစ နိုင်ငံခြားသား တယောက် ပြောနေသလို ဖြစ်နေတော့ တခါတလေ တော်တော်လေး စိတ်တို ရပါတယ်..။(တခါတလေတော့လည်း ချစ်စရာကောင်းပြန်ပါတယ်.. ဥပမာ ထမင်း ဝပြီးလား .. ယူအုံးမလားလို့မေးရင်.. `ယူအုံးတော့ဘူး ` လို့ ပြန်ဖြေရင် ရယ်ချင်ပါတယ်..။ အဲသလို ပြန်ဖြေတာကြားတိုင်း သူ့အဖေက ပြန်ပြင်ပေးပါတယ်.. `မယူတော့ဘူး` ပြောရတယ်ပေါ့.. ဒါပေမယ့်လည်း သူက အမြဲပြန်ဖြေတာက `ယူအုံးတော့ဘူး` .. ပါပဲ.. သူ့အတွက် အဲဒါကို အမှန်လို့ ထင်နေပုံရတယ်.. ဒါမှ မဟုတ်လည်း ဆိုလို့ကောင်းတယ် ထင်တာပါပဲ..။ ) ဒါပေမယ့်လည်း စာသင်တဲ့အချိန်မှာ အမှားတွေ ဆိုရင် အတော်လေး စိတ်အနှောင့်အယှက် ဖြစ်မိပါတယ်..။ တကယ်တော့ သူ့မှာ အပြစ်မရှိပေမဲ့.. ကိုယ်ပြောထားတာတွေ မသိရ မမှတ်ရ ကောင်းလား ဆိုကာ စိတ်အလိုမကျ ဖြစ်ရခြင်းက တော်တော်လေး မကောင်းတဲ့ အကျင့်ဆိုးလို့ပဲ သတ်မှတ်ရမလား.. ကိုယ် မပေးနိုင်တဲ့ ဆင်းရဲတဲ့ အချိန်တွေအတွက်… ပဲ အားမလိုအားမရဖြစ်ရမလား… မြန်မာ့ အသိုင်းအဝန်းထဲ ကလေးကြီးပြင်းခွင့် မရတာကိုပဲ စိတ်တိုရမလား…လို့ တွေးတေားရင်း ..မရေးဖြစ်ခဲ့တဲ့ တပါတ်စာ အတွက် ပို့စ် တင်ပါတယ်ရှင်..။

စာလာဖတ်သူများ အားလုံးကို ကျေးဇူးတင်ပါတယ်လို့..။


မဗေဒါ (၈၈)
၀၆.၀၉.၂၀၁၀