ကမ္ဘာမကြေဘူး ဖီလင်

ကမ္ဘာမကျေဘူး…. ဒီစာသား ဒီသီချင်းက ဟိုး လူမှန်းသိတက်စကတည်းက ကြားခဲ့ ဆိုခဲ့ရတာ..။ ကျွန်မတို့ မြန်မာ ကလေးတိုင်း နည်းပါး ယဉ်ပါးခဲ့တာပဲ..။ သီချင်းဆိုရင်လည်း တိုင်းပြည် ချစ်စိတ်..က အလိုလို ဝင်လာတယ်..။ ကိုယ့်မြေ ကိုယ်အမျိုးကို ထိရင် ခေါင်းငုံ့မခံတဲ့ စိတ်တွေ သွင်းပေးတယ်..။ သိပ်ကောင်းတယ်လို့ ထင်တာပဲ..။ ငယ်စဉ်က ကိုယ့်လူမျိုးအတွက် ရည်ရွယ် ဆိုခဲ့ရပေမယ့် ကြီးလာတော့ ပုံစံ ပြောင်းသွားတယ် ထင်တာပဲ.. ကလေး ဘဝ စဉ်းစားချက်တွေ ပြောင်းလာတော့ ကိုယ့်လူမျိုးကို စော်ကားမဲ့ ဘေးရန်သူ ဆိုတာထက် ကျောင်းသားဆိုတဲ့ လူ တစု ကို ထိရင် မခံဘူး ဆိုတဲ့ ဘက် စိတ်တိမ်းညွတ်သွားတယ်..။ ကျောင်းသားလို့ ဆိုလိုက်ရင် ကျွန်မ ရင်ဆိုင်ခဲ့ရတာတွေ ကို အမှတ်ယတယ်..။ အထက်တန်း ရောက်တဲ့အချိန်မှာ (၈၈) ရယ်လို့ ဖြစ်ခဲ့တာ.။ အဲဒီမှာ ဆိုနေကျ နိုင်ငံတော် သီချင်းကို မဆိုပဲ.. တခြား စာသားတွေ ထည့်ဆိုတယ်..။ ဘယ်က ဘယ်သူ ထည့်ပေးလိုက်တာလည်းတော့ မသိဘူး.. ဆိုတော့ လိုက်ဆိုတာပဲ.. ဆရာတွေ မျက်လုံးပြူးတယ်.. မြို့နယ်ကောင်စီတွေ လန့်ကုန်တယ်..။ အဖမ်းခံရတုန်းက စစ်ကြောရေး ထုံးစံ စကားပြောရရင်တော့ ကွန်မြူနစ်လက်ချက်ပဲ.. ဘယ်သူ့လက်ချက်ပဲဖြစ်ဖြစ်.. သီချင်းတွေကို ခုံမင်ခဲ့တာ အမှန်ပါ..။

မှတ်မိသလောက် အဲဒီသီချင်း ကျောင်းတက်ရင် ပေးမဆိုတော့ဘူးထင်တယ်..။ ဒါပေမယ့် လူတော်တွေ ရှိတဲ့ မြန်မာပြည်သားများ စစ်သီချင်းတွေကို ဒီမို အသွင်ပြောင်းပြီး မဆလကိုဖြုတ်တဲ့ သီချင်းတွေ အဖြစ် စပ်ခဲ့ကြတာလည်း မှတ်မိတယ်..။ အဲဒီထဲမှာ ကိုနိုင်မြန်မာ ရေးစပ်ပေးလိုက်တဲ့ ``ကမ္ဘာမကျေဘူး` `ကတော့ ယနေ့အထိ လူကြိုက်များဆဲ သီချင်းပါပဲ..။ အဲ ဒီသီချင်းကို ကျောင်းသား တပ်မတော်က နေ ပြန်ဆို ထားတာကတော့ တပိုဒ် အပို ထပ်ပါပါတယ်..။ ဒီ သီချင်း ဆိုခဲ့ရတာလည်း နှစ်ပေါင်း မနည်းတော့ဘူး.. မှတ်မှတ်ရရ နော်ဝေးရောက်ပြီး ၂၀၀၇ ခုနှစ် အထိ ပဲ..။ ဆိုတဲ့ အချိန်မှာ အမြဲတမ်း ကြက်သီး ဖြန်းဖြန်းထတာပဲ..။ ဘယ်တော့မှ မရိုးနိုင်သလို .. အပြစ်မဲ့စွာ ပစ်သတ်ခံခဲ့ရတဲ့ ကျောင်းသားလေးတွေ.. အများကြီးကို စိတ်ထဲမှာ မြင်ယောင်တယ်.. နောက် အခုချိန်ထိ ဖွဲ့စည်းအုပ်ချုပ်ပုံမရှိ.. စစ်တပ် သည်သာ တိုင်းပြည် အုပ်ချုပ် မင်းလုပ်ရတဲ့ လူတန်းစားရယ်လို့ ယူဆနေသူတွေကိုလည်း နားမလည်နိုင်ဘူး..။

ဘာကြောင့်များ ကိုယ့်အလုပ်ကိုယ် မလုပ်ချင်ပဲ စာရေးဆရာ ကို ( သန်းဝင်းလှိုင် ) စကားနဲ့ ပြောရရင် (တီကောင်ကို ပျားရည်ဖွဲ့ခိုင်း ) နေတာလည်း မသိ ဆိုတာ စဉ်းစားတိုင်း ဒေါသဖြစ်တာပဲ..။ ဘယ်သူနဲ့ယှဉ်ယှဉ် ဆင်းရဲနေတဲ့ ပြည်သားအများစု အတွက် ကမ္ဘာမကြေ ဖြစ်ရတော့တာတွေ တခါတလေ ပိုတိုးလာတယ်..။ မသိ တဲ့.. အပိတ်လှောင်ခံထားရတဲ့ ပြည်သူတွေကို ပြည်သူချစ်တဲ့ အနုပညာရှင်တွေနဲ့ အမျိုးမျိုး သမိုင်းကို ညှိုးနွမ်းအောင် ရုပ်ရှင်တွေ ဖန်တီးပြီး သမိုင်းတွေကို ပြောင်းပြန်.. ဒါမှမဟုတ်လည်း လွဲမှားစွာ ရည်ရွယ်ကြံဆောင် နေကြတာပဲ..။ ဒါနဲ့ပဲ ကမ္ဘာမကျေဘူး ဇာတ်လမ်း ပြီးမယ် ထင်နေတာလည်း ဖြစ်နိုင်တာပဲ..။ တကယ်တော့ ဒီဇာတ်လမ်းဟာ မပြီးဆုံးသေးဘူး.. ကိုယ် က ခိုင်းချင်သလို အနုပညာသမား တွေကို အသုံးချပြီးလုပ်လို့ မရဘူးဆိုတာ အာဏာရှင် တွေ မသိချင်ဟန် ဆောင် နေကြတာပဲ..။ သူတို့ပြောတာတွေကို ထမင်းစားနေတဲ့ လူထု က အကုန်ယုံမှာတဲ့လား..။

ပြောမယ်ဆိုရင် မြန်မာပြည်သူတွေ အတွက်.. ၆၂ မှာ ကျောင်းသား များရဲ့ အာခံတွန်းလှန်မှု.. ၇၄ ( ဦးသန့် .. ကျောင်းသား လှုပ်ရှားမှု..)… ၈၈ ခုနှစ် ကျောင်းသား.. ရဟန်း.. အလုပ်သမား.. စစ်တပ် .. ရဲ တွေ ပါဝင် ပတ်သက်ခဲ့တဲ့ လှုပ်ရှား မှု … တွေ… ၉၀ ခုနှစ်မှာ ပြည်သူလူထု အများစုက တပါတီ အာဏာရှင် စနစ် တောက်လောက်ပါပြီရယ်လို့ ဆိုကာ ဒီမိုကရေစီ သမားတွေကို တခဲနက် မဲပေးခဲ့တာတွေဟာ ... ကမ္ဘာမကျေဘူး ကို ယဉ်ကျေးစွာ ပြခဲ့ကြတာ မဟုတ်ပါလား..။ ၂၀၀၇ တုန်းကလည်း အကျဉ်းအကြပ် ထဲရောက်နေတဲ့ ပြည်သူတွေ အတွက် ဘုန်းဘုန်းတွေ ဦးဆောင် လှုပ်ရှားခဲ့တာတွေကလည်း ထိုနည်းလည်းကောင်းဆိုရင် မမှားဘူး ထင်တာပဲ..။

ဒါကြောင့် ကမ္ဘာမကျေဘူးဆိုတာဟာ ဖိနှိပ်ခံရတဲ့ သာမာန် ပြည်သူပြည်သားတိုင်းအတွက် .. တရားဥပဒေမဲ့ စွာ ချည်နှောင် အစီရင်ခံ အနှိပ်စက်ခံခဲ့ (နေ)ရ တဲ့ လူတိုင်းအတွက် .. အိုးအိမ်တွေ စွန့်ပစ်ခဲ့ရ ပြီး မိတကွဲ ဖတကွဲနဲ့ တောတောင်တွေထဲ နှစ်ပေါင်းများစွာ နေထိုင်နေရတဲ့ သွေးရင်းမောင်နှမတွေအတွက် .. ကိုယ့်တိုင်းပြည်ရယ်လို့ ရှိပါရဲ့နဲ့ သူများတိုင်းပြည်ပေါ် ဂယောင်ခြောက်ချား နေ့လားညလား မီးလာရိူ့မှာ.. ပြောင်းရွေ့ရမှာ.. လာချောင်းပစ်မှာကို စိုးရိမ်နေကြရတဲ့ ဒုက္ခသည် လူသားများအတွက်… အာဏာရှင်တွေ လိုအပ်တဲ့အချိန်ကလွဲရင် ကျန်အချိန်တွေမှာ မညီမျှမှုတွေ… ခြိမ်းခြောက် ရန်လုပ်မှုတွေ ကြောင့် အပစ်ပယ်ခံ.. အနှိပ်ခံ ဖြစ်နေရတဲ့ သာမာန် စစ်သားများစွာအတွက်.. ကမ္ဘာမကျေဘူး ရယ်လို့ ရင်ထဲမှာ အစဉ်တည်ရှိ နေကြလိမ့် မယ်လို့ မှန်းဆရင်း ဖြစ်တည်လာတဲ့ ကျွန်မရဲ့ ဖီလင် ခံစားချက်ကို (၂၂ ) နှစ် ပြည့် (၈ ) လေးလုံး အမှတ်တယ ရေးပါတယ်..။



မဗေဒါ (၈၈)
၀၅.၀၈.၂၀၁၀